احنا الطبقه اللى بتتعلم بفلوسها وتتعالج بفلوسها ... الطبقه اللى شبه مبتستخدمش وسائل المواصلات العامه الا نادراً
الطبقه اللى شكلها من بره أغنياء بس الواقع انهم الحمد لله مستورين ...
الطبقه اللى لو عندها التزام كبير بتاخد قرض من بنك او بتعمله جمعيه كبيره متظبطه على ميعاد الالتزام ...
الطبقه اللى لو بعد الف الشر حد منهم جاله مرض خطير حيبيعوا اللى وراهم واللى قدامهم عشان يتعالجوا عدل
احنا اللى علينا اقساط بفوايد وقروض من البنوك
علينا فيز بتتسدد أضعاف....
معندناش بطايق تموين ولا بناكل العيش المدعم ...
من حق الحكومه تاخد حقها ... بس من حقى اخد بدل علاج وتعليم ومواصلات وبدل تموين لانى موفره مكانى لغيرى
مش موفرين مكاننا عشان معانا فلوس ومسقسقه او البليه لاعبه وإنما عشان خدمه حكومتى المدعمه والمجانيه لا ترتقى لخدمه البنى ادم او حتى الحيوان فبنضطر بدل منحوش قرشين للزمن نصرف على الأساسيات عشان نعيش بشكل أدمى ومشيين بمبدأ هين قرشك ومتهنش ولادك ولا نفسك ...
من حقي طالما بدفع مبلغ وقدره ضرايب كل شهر بتتخصم من المرتب او في صوره فواتير موبيل واي سلعه بشتريها اني اخد مقابل للاتاوه اللي الحكومه بتاخدها مننا
احنا قايمين بدور الدوله لنفسنا مش ناقص غير اننا نفتح كام قسم ونعين ضابطين تلاته على حسابنا ...
احنا اللى زينا فى اى بلد بيتقال عليهم طبقه وسطى والدوله بتبقى موفرالهم تعليم وصحه ومواصلات تفتح النفس فبيوفروا وبعد كام سنه يبقى على قلبهم فلوس متلتله ويصعدوا الى الطبقه الغنيه المرتاحه...
بس فى ام الدنيا بيتقال علينا الطبقه فوق المتوسطه شبه الغنيه لغايه ميفلوسوا وننضم للطبقه الكادحه
#كنا_طبقه_متوسطه
#كله_نزل_للطبقه_الادني
#من_داخل_الثقب_الاسود
#حازم_الزهيري
ليست هناك تعليقات:
إرسال تعليق