ده حقيقي ؟
- انا واحد من الناس #مدمن_الهيروين او اللى معروف باسم #البيسه
انا مش هشرح انا دخلت ازاى بس هوا لازم واحد ابن ستين كلب المفروض انه صاحبك يقولك خد جرب علشان تدخل في القصة دي ..
-الحكايه انى اتصدمت صدمة عمرى لما عرفت كمية الناس اللى زيي من كل طبقات المجتمع و اشكاله حتى المحترم منه
- الاول كنت بجيب جرام ال #هيرويين ب 240 جنية و بيكون اقل من جرام كتير ، فكان لازم ادور و اشوف الناس اللى بتبيع بتجيب منين والسعر التجارى كام وسكتة فين ..
- وفعلا وصلت للاصل و المصدر اللى اكتشفت انه مش خفى عن عين اى حد ولا حتى الدولة و الشرطة !!
وصلت #للسحر_والجمال
السحر و الجمال دا اسم البلد اللى بيبيعوا فيها ..
المكان على طريق ( العاشر من رمضان والاسماعيلية ) ..
ايه رايكم فى #هيبر_ماركت كل الناس من كل حتة بتروحله عشان عنده عروض جامده و اسعار ملهاش منافس ..
-نفس الشىء فى #السحر_والجمال الجرام هناك على الميزان ب 120 جنية و احيانا اقل وعشان السعر الخارق دا تروح هناك تلاقى مصر كلها هناك بمعنى الكلمة ..
- ️كمية العربيات اللى واقفه هناك اكتر من العربيات اللى واقفه قدام اى مول مشهور تتخيله و اللى بيبيع بدو واقفين بسلاح ورا تبة عاليه ..
- تخش يسألك عايز شك ولا شد ؟ ماهم فى نوعين من #الهيروين : نوع بيتشد بالانف و نوع بيتشك بالحقن ..
يعنى المنظر مهول زي المولد .. ناس و عربيات بالعبيط و كل واحد واقف مطلع سرنجة وبيضرب لنفسة او للى جنبة ..
بشر ملهاش عدد !!
- عائلات كاملة فى عربية اب بمراتة و اولادة 😳
- اب تشوفه تقول مهندس او مدرس و جايب ابنة عندة 8 سنين شكلة ابن ناس موقفة جنبة فى الطابور على بال مياخد الطلب بتاعه .. مناظر تصدم !!
- بنات كتير جدا فى وسط الصحراء دى .. محجبات مش محجبات عادى كله جوا ..
منهم اللى ممكن تبيع نفسها لبدوي شكله زباله ماستحماش من شهر عشان ضربايه !!!
- انا جالى صدمة عصبية .. انا مش مصدق احنا وصلنا للمستوى دا ازاى .. انا عايز اصرخ واقول ازااااى فوقواااااا !!!
- الكلمة هناك بحساب مافيش اسهل من انك تتقتل برصاصة من اى كلب من البدو دول ..
- المكان بعد كوبرى #هيبر 1 و #مكدونالد اللى عند العاشر هتلاقى فى كبرى تانى .. من بعد الكبرى دا هتمشى 12 كيلو لحد ماتلاقى مركب اسمنت فى نص الطريق بين الحارتين ..
- لو روحت و النور طالع بعد 5 كدا و ركزت هتاخد بالك ان على الناحية التانيه فى عربيات كتير جدا واقفه دول اللى بيشتروا عينى عينك ..
- اول قوة امنية بتكون متمركزه عند #هيبر وعارفين ان كل اللى بيجى من الطريق دا بيكون بيشترى #بيسه
- ️الشرطة عارفه المكان كويس جدا ❗
- ️الجيش عارف المكان كويس جدا❗
- بيخافوا يخشوا .. أو عندهم اوامر مايخشوش ودا اللى انا متأكد منه .. كبرات البلد هما اللى مدورين التجارة دي والا ماكنش جماعه البدو دول قعدوا بالبجاحة دى !!!!!!!
دا الجزء الاول ..
الجزء التانى اللى يخصنى شخصيا
هوا كالاتى :
الدولة فى الكام شهر الاخرانيين منعت #الترامادول و خلته يشح فى السوق خالص لحد مالشريط مسك سعر 150 جنية و اكتر
يعنى عدى سعر جرام البيسة بزمن ..
- اللى بيضرب البيسه بيلاقى انها قريبة كتير من الترامادول .. فكان رد الفعل الطبيعى ان الشباب او بلاش كلمة الشباب لاني شوفت المجتمع كله بيضرب #بيسة ..
كان رد الفعل ان كل الناس نقلت الضرب من #الترامادول اللى مش موجود #للبيسه اللى فى كل حتة .. طب و اية المشكلة فى كدا ؟!!
️أقولك انا :
- مدمن #الترامادول لو ملقهوش بينهد حيلة ..
كبيره بيزعق و هيضطر ينام عشان مش قادر يفتح عينة ..
ولا هيقتل ولا هيسرق ..
كبيره قوي يضرب اللي قصاده و بدون قوة !!
- تعالى بقا نشوف مدمن #الهيروين ..
- الكلام اتغير خالص لو جات معاد الشكه و ملقاش الشكه هيبيع مراته بدون اى مبالغة 😳 هيمسكها من ايدها يسلمها لاى راجل تانى تسليم جثث مقابل الشكه !!!
- مدمن #البيسة بيقتل !
- مدمن #البيسة بيسرق !
- مدمن #البيسة ملوش امان ولا صاحب بمعنى الكلمه !
- كدا احنا دخّلنا طبقة كبيرة من المجتمع فى سكة ملهاش مخرج .. او ليها مخرج بس الدولة منعاه !!!
- فى دواء بيعالج ادمان اى مدمن #هيروين فى 3 ايام بدون اى اعراض انسحاب او تعب ..
- الدولة مانعه تداوله مع ان كل دول العالم بتصرفه مجانى للمدنين عندها !!! 😳
- ودا يأكد كلامى إن التجاره دى مدورها الوزراء و المسؤولين الكبار فى البلد !!!
- سعر الحباية الواحده من الدوا عندنا فى السوق السودا من 300 ل 500 جنية .. المدمن بيحتاج 3 حبيات على الاقل ..
اسم الدواء #السيبكسون
#سيبوتكس
- دوائين الاتنين بيخلصوا الادمان فعلاً ..
- الاتنين حل فعلى كل دول العالم طبقته الا مصر ..
- و كان رد وزارة الصحة انهم ممنوعين حتى لا يتم اسائة استخدامهم !!!!!
اللى اكل من التفاحة مينفعش يرجع برئ
#حكاية_مدمن_هيروين
#كبرات_البلد_هم_اللى_مدورين_التجارة_دى
#منقول
انا اترعبت من المكتوب الكلام ده حقيقى فى مصر ...يارب احفنا واحفظ اولادنا
ليست هناك تعليقات:
إرسال تعليق