رد ايجابي علي موضوع الساعة من شاب له فكر ومنطق محترم الاسم محمود عبد عبد الحميد
اضفته لقائمتي في الفيسبوك الموضوع
احنا الدولة رقم واحد على العالم في مشاهدة المواقع الاباحية والدولة رقم 2 على العالم في التحرش فمتعملوش مؤدبين ومتدينين يعني مش علينا الكلام ده، المزايدة على الناس بالأخلاق مش لايق عليكم احنا معروفين في العالم كله لا عندنا علم ولا أخلاق ولا دين بالاحصاءات فليه لما واحد بيطلب ايد زميلته وحضنها محسسيني بالتقوى والورع
وده كان رده
طيب وانتي ايه مصلحتك انك تقطعينا كدة وتقولي بالاحصائيات اننا اوسخ شعب علي الرغم ان الشعب ده في منه العلماء والاطباء وناجح في كل مكان يروحه علي الرغم ان الشعب ده هو اللي في انضف شباب في التاريخ اللي وقفوا سنين في الميادين قدام الرصاص والخرطوش والغاز ومظنش انك كنتي واقفة لوحدك انتي والسيدات النضاف في الميدان علي الرغم ان النسب اللي بتقولي عليها مش ذكور فقط وبالذات في حكاية المواقع الإباحية دي ايه المشكلة لما ارفض شواذ وارفض حقوقهم اللي محرمة في كل الاديان ايه المشكلة لما ارفض حفلة كان بيتقال فيها الفاظ واللي بيصور عمال يقول موزة وجامدة والفاظ علي البنات زمايله وفصلهم واحدة واحدة ايه المشكلة لما ارفض عادات غريبة عن مجتمعنا ايه المشكلة يعني لو عملوا الحفلة دي في كافيه وحضنها برة الجامعة بمترين انا مش مع قرار الفصل لكن مش مع التصرف ده داخل الجامعة كمان مهو انهاردة حضن بكرة هتلاقي بوس في الجامعة ونبقي امريكان بقي وكل اتنين مع بعض وعملوها حديقة الازهر ولما ابقي مؤيد معاهم مبقتش انا حلو وشيك وخلاص بقيت اجنبي واوبن ماين يعني؟! امريكا حلوة مفيش كلام وطول النهار بتعلم منهم مايكرو اليكترونك وبحضرلهم كورسات فيزيا وذكاء اصطناعي وبرمجة وكل العلم اللي اخدت اجنبي ومعظم شهاداتي منح امريكية بس ده مش معناه اخد منهم اخلاقهم كمان.. ليه بتنكروا حقنا في عدم قبول التصرفات الدخيلة علي مجتمعنا ؟ ليه رافضين تتقبلوا الرأي الاخر ليه بتناقشي الاشخاص وبتقطعي فيهم فين مناقشة الافكار فين حرية التعبير عن رأينا ليه مش ببتقبلوه كراي مختلف معاكم
رد حسناء الحسن
وايه المشكلة لما أنا كمان ارفض نسب التحرش ومشاهدة المواقع الإباحية ليه ده اعتبرته تقطيع وإلي انت بتعمله اعتبرته رفض لعادات غريبة على مجتمعنا؟ أنا كمان في البوست برفض عادات غريبة على مجتمعنا وموثقة دوليا عشان محبيتش يكون كلامي مرسل لكن انت رفضت تصرفات منفردة وبتبرر ده لنفسك وبتلوم عليا!!!
رد ايجابي من محمود
حضرتك المواقع الإباحية دي مش الذكور بس اللي بيفتحوها وحتي التحرش مبقاش حكر علينا كذكور وعلي فكرة ربطك غير منطقي اللي بيرفضوا الشواذ دول مش هما اللي بيفتحوا المواقع الإباحية بالعكس دول عايزينها مليطة علشان اللي بيعملوه في السر يعملوه في العلن وحتي لو هما اعتبريهم بيكفروا عن ذنوبهم وضميرهم صحي وعايزين ينضفوا حضرتك صدقيني لو الاوضاع دي انتشرت حتي الاتنين ولا التلاتة الرجالة اللي بيجوا يحوشوا عنك ويضربوا العيل اللي بيتحرش بيكي مش هتلاقيهم لان الحاجات دي هتبقي عادي وعنيه هتتعود عليها في الشارع احنا بنرفضها وبنرفض الاباحية وبنرفض التحرش بس ده مش للتعميم حضرتك المواقع الإباحية مفيش اي حاجة رسمية بتوضح النسب بتقول اننا في مصر اعلي نسبة مشاهدة زي ما حضرتك بتقولي وده اصلا مش موجود واذا كان موجود فموجود في صفحات ومدونات ملهاش اي مصداقية ومعهاش ما يثبت ذلك مش دولية ولا حاجة زي ما حضرتك بتقولي واعلي نسب في العالم في باكستان والهند والفلبين وجنوب شرق اسيا وامريكا الجنوبية وبعدهم يجي الشرق الاوسط ومشكلة البورنو في العالم كله حتي امريكا بتقول ان 21% من الاطفال بيخشوا علي مواقع اباحية من خلال التليفون وفي نسب تاني من اجهزة الوالدين وتابعي البورنو جراف من اي مصدر وحضرتك وتابقي موقع child guard واصلا صناعة البورنو معمولة للاوروبيين والامريكان ومقننة علشان هما اللي بيعملوا اوردرات للموديلز بعد ما يشتروا الفديو بفلوس واشتراكات مش احنا كمصريين يعني لان الاطفال المصريين اصلا معاهمش يشحنوا الباقة علشان يشتروا فديوهات فبيدوروا علي الفري اصلا مش زي الامريكان والاوروبيين اللي بيشتروا فأي احصائيات تقول غير كدة كلام فارغ متروحيش تدعمي الشواذ والمثليين وبتوع البوس والاحضان علشان تحاربي التحرش الكلام غير منطقي والربط غير طبيعي متقوليليش متعملش فيها مؤدب علشان انت مفضوح وانا مبعملش حاجة غير اني ادافع عنك لما اشوف حد بيتحرش بيكي في الشارع وياستي حتي لو كنت كدة وبتفرج علي مواقع اباحية ومش عاجبني الوضع والشواذ والاحضان ايه المشكلة ولا انتي عايزة اللي بيتفرج في اوضته علي مواقع ميمثلش بقي ويطلع للناس علي حقيقته ويخرج يغتصب البنات في الشارع كمان علشان ميبقاش بيمثل ويقبل الشذوذ والبوس والاحضان علشان ميبقاش بيمثل ولا انتي عايزاه يبقي وسخ في اوضته ومعاكم في الشارع علشان ميبقاش بيمثل عليكم الاحترام ؟
لما كان فى تعليم وهيبة للمكان اه كان لازم يتحاكموا إنما بم أن مفيش تعليم جامعى ولا قبل جامعى فما خفى كان أعظم وبعدين هو فى ايه فى التعليم الجامعى مظبوط علشان نمسك في الاتنين دول دكتور يتحرش بطالبه ودكتور يقبل رشوة ودكتور من يشترى كتابة ينجح ومن لم يشترى الكتاب ساقط ودكتور يسقط دفعة كاملة علشان شكلهم مش مريحين سيادته بلا قرف
ليست هناك تعليقات:
إرسال تعليق