الاستغفار يزيل الهم والغم ويبعث علي زيادة الرزق منقولة

- الدكتور عمر عبد الكافي بيقول انه كان ف يوم بيُخطب الجُمعه .. وبعد الصلاة .. جاله راجل مربي دقنه وشعره .. ومدهول ع الآخر واضح انه مش مُهتم بروحه نهائي  .. بيقوله يامولانا انا كسول .. بنام كتير .. يدوبك اصحي اكل لقمه وانام تاني .. شغلي مُهمل فيه ومستقبلي .. عيالي بيحسوني غريب عنهم .. عندي قلة همه واحباط غير عادي .. اعمل ايه دلني الله لا يسيئك ! .. الدكتور عُمر قاله استغفر ف اليوم ١٠٠ مره .. ودا ع الاقل .. وتعلالي بعد اسبوع وقولي ايه النتيجه .. قاله بقولك كسول وبنام ١٥ ساعه ف اليوم ومُهمل ف الصلاه وف اولادي وشغلي وتقولي استغفر ! قالي يا ابني احنا لحم ودم .. بشر .. مُعرضين اننا نعصي ربنا ونعمل ذنوب .. والذنوب بتقل الجسم وتهد الحيل وتحوش العزيمه والهمه م القلب وتعلم الكسل والتُقل .. اسمع مني بس وهتنبهر .. بعد ٦ ايام الراجل راح للدكتور عُمر .. فضل يقوله لازم ابوس ايدك !  انا بقيت استغفر ١٠٠ مره واكتر ف اليوم وساعات ٤٠٠ مره وساعات ١٠٠٠ مره ف اليوم  .. ربنا زي مايكون حدف في قلبي النشاط والهمه .. بقيت انام اقل من ٧ ساعات واشبع نوم .. اسعي لشغلي واتفقت علي شراكه جديده ومضيت العقد ف اقل من ٤ ايام !
- الاستغفار دا عامل زي الحبوب المُنشطه ! زي مشروب الطاقه .. شُحنه كهربيه ! بنزين يشغل الواحد ويحركه ! الاستغفار يشبه للايد اللي بتزُق الواحد لقادم ايد من ربنا .. بتقوي وتشد .. زي ما الشمسيه بتحمي من الشمس والمطره الاستغفار هو الايد اللي بتضلل عليك وتحميك من اي حاجه صعبه جايه ف علم الغيب .. سيدنا عمر بيقول لو نزلت صاعقه من السماء ما اصابت مُستغفر " استخبي من فشل  .. جرح ... خيبة امل محنه .. اي حاجه قلقاك .. بالاستغفار " النبي كان بيستغفر ف القعده الواحده اكتر من ٧٠ مره ! اتحامي ف ربنا من مصايب القدر بالاستغفار ! علماء المسلمين اتفقوا ان الاستغفار بيسبب التوفيق ف كل شيء لصاحبه ويابخت اللي يقول " استغفر الله " بسببك ليك اضعاف ثوابه ف الرزق والحسنات  لانك اللي دليته ع الخير !
وبن كثير  بيقول : ﻭﻣﻦ ﺍﺗﺼﻒ بصفة ﺍﻻﺳﺘﻐﻔﺎﺭ .. ﻳﺴﺮ ﺍﻟﻠﻪ ﻋﻠﻴﻪ ﺭﺯﻗﻪ ،،، ﻭﺳﻬَّﻞ ﻋﻠﻴﻪ ﺃﻣﺮَﻩ ،،، ﻭﺣﻔﻆ ﻋﻠﻴﻪ ﺷﺄﻧﻪ ﻭﻗﻮﺗﻪ ☝💪
الاستغفار .. ❤