يا نهار اسود من السواد .. ايه اللي بيحصل ده !!!!
اهداء لوزير الداخلية ولكل ضابط شريف وإدارة المخدرات لو كُنتُم تعلمو تبقى مصيبة ومشاركين فى الجريمةده اعتراف مدمن وامس ضابط شرطة ذهب ليشترى هيروين سرقو سياروسلاحه الميرى والمكان معروف وطريق بلبيس بجوار الكمين واقفين يبيعو على الطريق شير لكى تصل الرسالة ويمكن تساعدالغير شباب مصر بيضيع فى الادمان ياحكومة
- انا واحد من الناس #مدمن_الهيروين او اللى معروف باسم #البيسه
انا مش هشرح انا دخلت ازاى هوا لازم واحد ابن ستين كلب المفروض انه صاحبك يقولك خد جرب
علشان تدخل في القصة دي ،
-الحكايه انى اتصدمت صدمة عمرى لما عرفت كمية الناس اللى زىي من كل طبقات المجتمع و اشكاله حتى المخترم منه
- الاول كنت بجيب الجرام #هيرويين ب 240 جنية و بيكون اقل من جرام كتير ،
كان لازم ادور و اشوف الناس اللى بتبيع بتجيب منين
والسعر التجارى كام وسكتة فين ،
- وفعلاا وصلت للاصل و المصدر اللى اكتشفت انة مش خفى عن عين اى حد
ولا حتى الدولة و الشرطة
وصلت #للسحر_والجمال
السحر و الجمال دا اسم البلد اللى بيبيعوا فية
المكان على طريق ( العاشر من رمضان والاسماعيلية )
اية رايكم فى #هيبر_ماركت كل الناس من كل حتة بتروحلة عشان عندة عروض جامدة و اسعار ملهاش منافس ،
-نفس الشىء فى #السحر_والجمال
الجرام هناك على الميزان ب 120 جنية و احيانا اقل
وعشان السعر الخارق دا تروح هناك تلاقى مصر كلها هناك بمعنى الكلمة ،
- ❗️كمية العربيات اللى واقفه هناك اكتر من االعربيات اللى واقفه قدام اى مول مشهور تتخيلة ،،
و اللى بيبيع بدو وقفين بسلاح ورا تبة عاليه ،،
- تخش يسألك عايز شك ولا شد ؟ ماهم فى نوعين من #الهيروين ،
- نوع بيتشد بالانف و نوع بيتشك بالحقن يعنى
المنظر مهول زي المولد ،، ناس و عربيات بالعبيط و كل واحد واقف مطلع سرنجة وبيضرب لنفسة او للى جنبة . بشر ملهاش عدد !!
- عائلات كاملة فى عربية اب بمراتة و اولادة 😳
- اب تشوفه تقول مهندس او مدرس و جايب ابنة عندة 8 سنين شكلة ابن ناس موقفة جنبة فى الطابور على بال مياهد الطلب بتاعه !
مناظر تصدم
- بنات كتير جدا فى وسط الصحراء دى
محجبات مش محجبات عادى كلة جوا
منهم اللى ممكن تبيع نفسها ل بدوي شكله زبالة مستحماش من شهر عشان ضرباية ،
- انا جالى صدمة عصبية . انا مش مصدق احنا وصلنا للمستوى دا ازاى انا عايز اصرخ واقول ازااااى فوقواااااا !
- الكلمة هناك بحساب مفيش اسهل من انك تتقتل برصاصة من اى كلب من البدو دول ،
- المكان بعد كوبرى #هيبر 1 و #مكدونالد اللى عند العاشر هتلاقى فى كبرى تانى . من بعد الكبرى دا هتمشى 12 كيلو لحد مهتلاقى مركب اسمنت فى نص. الطريق بين الحارتين .
- لو روحت و النور طالع بعد 5 كدا و ركزت هتاخد بالك ان على النحية التانية فى عربيات كتير جدا واقفه دول اللى بيشتروا عينى عينك ،
- اول قوة امنية بتكون متمركزة عند #هيبر وعارفين ان كل اللى بيجى من الطريق دا بيكون بيشترى #بيسه
- ❗️الشرطة عارفة المكان كويس جدا ،
- ❗️الجيش عارف المكان كويس جدا ،
- بيخافوا يخشوا ،. أو عندهم اوامر ميخشوش ودا اللى انا متأكد منه ، كبرات البلد هما اللى مدورين التجارة دى !!!!!!!
والا مكنش جماعه البدو دول قعدوا بالبجاحة دى
............
دا الجزء الاول
الجزء التانى اللى يخصنى شخصيا
هوا كالاتى
الدولة فى الكام شهر الاخرنيين منعت #الترامادول خلته يشح فى السوق خالص
لحد مالشريط مسك سعر 150 جنية و اكتر
يعنى عدى سعر جرام البيسة بزمن ،،
- اللى بيضرب #البيسىة بيلاقى انها قريبة كتير من الترامادول !!
- فكان رد الفعل الطبيعى ان الشباب بلاش كلمة الشباب انا شوفت المجتمع كلة بيضرب #بيسة
كان رد الفعل ان كل الناس نقلت الضرب من #الترامادول اللى مش موجود #للبيسه اللى فى كل حتة ،
- طب و اية المشكلة فى كدا ؟؟
❗️ أقولك انا :
- مدمن #الترامادول لو ملقهوش بينهد حيلة ..
كبيرة بيزعق و هيضطر ينام عشان مش قادر يفتح عينة ،
- ولا هيقتل ولا هيسرق .. كبيره قوي يضرب اللي قصاده و بدون قوة ،
-❗️ تعالى بقا نشوف مدمن #الهيروين
- الكلام اتغير خالص لو جات معاد الشكة و ملقاش الشكة هيبيع مراتة بدون اى مبالغة 😳
- هيمسكها من ايدها يسلمها لاى راجل تانى تسليم جثث مقابل الشكة !!!
- مدمن #البيسة بيقتل !
- مدمن #البيسة بيسرق !
- مدمن #البيسه ملوش امان ولا صاحب بمعنى الكلمه .
- كدا احنا دخّلنا طبقة كبيرة من المجتمع فى سكة ملهاش مخرج ،
- او ليها مخرج بس الدولة منعاه ،
- فى دواء بيعالج ادمان اى مدمن #هيروين فى 3 ايام بدون اى اعراض انسحاب او تعب ،
- الدولة مانعه تداولة مع ان كل دول العالم بتصرفة مجانى للمدنين عندها !!! 😳
- ودا يأكد كلامى إن التجارة دى مدورها الوزراء و المسؤولين الكبار فى البلد ،
- سعر الحباية الواحدة من الدوا عندنا فى السوق السودا من 300 ل 500 جنية ،
المدمن بيحتاج 3 حبيات على الاقل .
اسم الدواء #السيبكسون
#سيبوتكس
- دوائين الاتنين بيخلصوا الادمان فعلاً ،،
- الاتنين حل فعلى كل دول العالم طبقته الا مصر ،
- و كان رد وزارة الصحة انهم ممنوعين حتى لا يتم اسائة استخدامهم !!!!!
اللى اكل من التفاحة مينفعش يرجع برئ
#حكاية_مدمن_هيروين
#منقول_بتصرف
#شير
ليست هناك تعليقات:
إرسال تعليق