موقف غريب حصلى النهاردة وانا راكب الميكروباص واحده قاعده جمبي و معاها ابنها صغير كده عنده Cancer... ف ببص عليها لاقيتها قاعده زعلانه كده و شكلها كان تعبان و مهموم اوي....ف لاقيت ابنها عمال يهزر معاها و يقولها اضحكي و بيحاول يضحكها و هي تضحك كده (ضحكة هم)..فجأة لقيته بيقولها و هو تعبان كده ب الحرف (ماما هو انا ربنا هياخدني امتي انا تعبت من الحقن اوي) انا ف الحظه دي حسيت ان جسمي اتشل كده بأمانه صدمني..ف مامتوا قالتله لا يا حبيبي انت هتفضل معانا و مع حنان اختك اللي بتحبها...و هي عينها مدمعه كده..ف انا قاعد سامعهم ف بصتله و قولتله انت جميل اوي و كمان قمور ف ضحك كده و قالي بس شعري وقع و مبقتش قمور زي الاول...و هو عنيه مدمعه كده ف جيت امسك ايده حقيقي ايده مش باينه من الزرقان بتاع الحقن...قمت و طيت علي ايده و بوستها ف هو بص لمامته كده و هو فرحان اللي هو مستغرب اول ما بوست ايده ضحكلي كده...بعدها فضلت اهزر معاه و ضحكته و انا نازل لاقيته بيقولي ادعيلي اكون حلو و شعري يطول من تاني قولتله مش انا بس اللي هدعيلك انا هخلي الناس كلها تدعيلك علشان تفضل جميل و تبقي معانا..نزلت من الميكروباص وانا حرفياً منهار عياط و ساعتها حسيت ان ربنا فعلاً مدينا نعمه كبيييييره اوي و هي الصحه حتي لو صحتك مش كويسه اوي بردو اشكر ربنا لان في ناس بتتمني تعيش بس علشان اهلها هيوحشوهم لما يموته
احنا معندناش مشاكل ف حياتنا
احنا معندناش هموم
احنا ف نعمة نعمة كبيره و مش حسين بيها
في ناس بتتمني بس تعيش..بتتمني متخدش علاج
ادعو لمازن انه يعيش علشان اخته بتوحشه و هو مسافر علشان علاجه بعيد عن اهله💔
انا و وعدته اني هخلي الناس كلها تدعيله علشان يخف 👏
#ادعوا_لمرضي_السرطان
ليست هناك تعليقات:
إرسال تعليق