من أكتر الحاجات اللي عاملة مشاكل في إستيعاب الفرق بين ممارسة الجنس الطبيعية وبين التحرش والإغتصاب، هي فكرة الناس هنا عن الجنس بشكل عام إنه فاعل ومفعول به.
فاعل ومفعول، آخذ ومأخوذ، راكب ومركوب..شيء حد له فيه اليد العليا وحد تاني فيه الضحية، أو الطرف المستضعف.
ودي حاجه مش مقتصرة على وصف العلاقات المحرمة أو اللي المجتمع بيرفضها، وإنما العلاقات اللي بيقبلها كمان، ما بين إتنين متجوزين، نفس الشيء، لسه الفكرة في الدماغ هي إن فيه حد "بيعمل" وحد "بيتعمل فيه" ولسه فيه dynamic الفريسة والصياد ده.
وإحنا صغيرين إتعلمناها كده...لأننا ماتعلمناش الجنس ده إيه من أهالينا لما قعدوا شرحوا لنا وإتكلموا معانا - لا سمح الله - وإنما من مصادر تانية زي قصص الأصحاب الصيع وعلاقاتهم مع بائعات الهوى، أو الخادمات، أو من الأفلام الإباحية.
وكلها مصادر سيئه، وعلاقات غير سوية، والسيناريوهات اللي بتطلع بيها منها بتبقى عن إزاي "تاخد اللي انت عايزه" من الفريسة اللي مش عايزه يتم صيدها.
تدفع لها فلوس عشان تديك اللي انت عايزه...تستغل ضعفها الجسماني والإجتماعي عشان تجبرها تديك اللي انت عايزه..تخدعها، تعشمها، وهكذا.
فكل الرجالة إتعلموا إن الجنس يؤخذ.
ولأن الجنس ماحدش هنا بيتعلمه بشكل سوي، وإنما بنعلمه لبعض باللي سمعناه وبالتجربه والخطأ، ففيه ستات كتير كمان هنا إستسلمت للشكل ده على إن هو ده الشكل الوحيد للجنس..لما الراجل يعوزه هييجي ياخده منك، هو هيبادر وهو هياخد الزمام وهو هيخلص- عادة بدري - وأنتي مستقبل بس..ويستحسن مايكونش حتى مُستقبل متافعل قوي لا يشك في أخلاقك.
وده رسخ المفهوم أكتر.
أنا فاكر لغاية دلوقتي عدم إستيعابي زمان للأفلام الأجنبية لما كانوا بيستخدموا لفظ fucking بشكل "معكوس"..اللي هو لما ست تقول على راجل "I fucked him".
فاكد مين يا حاجه؟..هو اللي فاكد يو...أنتي مش راجل.
لأن concept إن الجنس ده شيء الراجل والست بيعملوه مع بعض وهم متساويين فيه مش حاجه الراجل بيعملها في الست ماكانش وصل لي.
حتى مبدأ التراضي هنا، بيترجم في دماغ معظم الناس إنها "سابته يمارس الجنس معاها"..مش إنهم إتنين عملوا حاجه مع بعض هم الإتنين عايزينها.
طول ما الجنس في دماغنا بيؤخذ مش بنتشارك فيه، هتفضل دايما الخطوط مش واضحه في دماغ البعض..لأن كل أخذ بييجي بعد مقاومة...فالموضوع بيتحول إن الجنس ده حاجه بتحصل عليها لما بتطور مهاراتك في التغلب على مقاومة الست.
تتغلب بالمحايلة..بالزن..بالحيلة..بالوعود الكاذبة..بالتخويف...بالقوة.
أو تهبش اللي تعرف تهبشه وتطلع تجري.
فكر بيربي متحرشين ومغتصبين أغلبهم غير مدرك حتى لجريمته..كل اللي في دماغه هو إنه بيعرف ياخد اللي هو عايزه وإنه أتقن إزاي يتغلب على مقاومه الفريسة أو يلتف حواليها.
ولما حد يفضح فعلته الشنعاء، تلاقي متعاطفين كتير معاه مش فاهمين فين المشكلة وشايفين الموضوع كله مبالغه، لأنهم زيه، وإتعلموا نفس الحاجه، وفي دماغهم إن كل اللي عمله الشخص ده هو إنه زودها شويتين يعني في لعب الجيم الإجتماعي اللي كلنا بنلعبه، مش إنه عمل جريمة سابت أثر لن يمحى في حياة شخص تاني.
تعليق محترم
Very reasonable words yet I bet middle eastern guys will still get the worst meaning out of it, like starting to believe that if it depends on both ends consent, then women also need it and shes only putting a good show to reject it, then the sense of entitlement grows and force to take, whats now, as per u is a mutual desire , and would skip understanding the part where both ends HAS to "invite it", away from the "desire it" part. Honestly its hopeless unless men and women are raised exactly the same way like the rest of the world so that women become more open and bold and men become more humble. Sorry for writing in English
ليست هناك تعليقات:
إرسال تعليق