قصة رائعة

فى بنت اتجوزت وكانت مبتعرفش تطبخ وحالتها زفت ياعينى  وحظها وقع فى واحد بيطبخ كويس جدا..

 بتقول لما اتجوزت بقت تخترع اختراعات السنين فى الاكل ..

 لكن جوزها كان محترم وكان أى أكلة يقولها

 تسلم ايدك ..الله ينور وهكذا ..

وهى تقوله الله ينور ايه بس  أنا مش عارفة أنت مستحمل الاكل ده إزاى.

يقولها لا والله دا جميل هو بس الرز كانت المياه بتاعته زيادة شوية ولو قللتيها هيبقى تحفة .

 والملح لو زودتيه فى الشوربة هتتظبط خالص وهكذا بقى تصرفاته معاها.

وفى يوم كان عندهم عزومة ولأنها لسه زفت خاالص فى الطبخ ..

 دخل معاها وهو اللى طبخ الأكل كله ..واهما قاعدين على الترابيزة بقى يقولها تسلم ايدك .. هو ده الأكل ولا بلاش !! 

ومامتها تبصلها وتبتسم لأنها عارفة إنها مبعرفش تطبخ !!

 لما لموا الاكل مامتها دخلت وراها المطبخ وحضنتها جامد وقالتلها مبروك عليكي راجل ابن أصول. 

النبى صلى الله عليه وسلم قال " حرم على النار كل هين لين سهل قريب من الناس " وقال " خيركم خيركم لاهله وانا خيركم لاهلى " 

وكمان كان يدخل البيت فميلاقيش أكل كان يقول " إنى صائم " 

البساطة دايما بتدى للحياة معنى مختلف ..

والشاطر اللى يعرف فى الحياة يعيش بمعنى التغافل فتلاقيه فى عز ما بيتخانق يضحك ..

 وفى وقت ما هو محتاج يدى .. بيفكر فى النتيجة قبل المقدمة .. وبيقدر ان  بكلمة او فعل ممكن الحياة تستقيم أكتر.

جميل هذا الرجل الذى يشعر المرأة أنها ليست بخادمته ..

ولكنها ابنته الذى يجعلها فى بيته تخطوا اول خطوات حياتها دون

 أن تنكسر ..

فتشعر أنها لما غادرت بيت ابيها لم ينقصها شىء بل تزودت

 بجميل كل شىء .

منقول عن صفحه د خالد