زى ماوعدناكم معانا النهارده فضيحة سوبر عن الفريق اللي راح يلعب بطولة ودية من ماتش واحد السنة اللي فاتت فى أحد العواصم الخليجية.
اللعيبه مكانوش يعرفوا ان المكافأة اللي تم اقرارها ليهم من قبل أحد الشخصيات العربية الشهيرة فى بلدها وفى مصر هى مبلغ وقدره ٢٠ الف دولار لكل لاعب وتم توزيعها بأظرف لكل لاعب ومعاها ساعة برقم محترم !!!
المكافأة اللي تم صرفها فعليآ بأمر (ابوشده) وبالاتفاق مع (العصفوره) وبمعرفة (الخلوق) أو (البيصى) كانت ١٠ آلاف دولار فقط وتم الطرمخه على 10 الاف دولار اخرى وساعة قيمه لكل لاعب.
إحنا لو ناس وحشين وعايزين نشعللها كنا بعتنا للاعيبة وأكيد هايتأكدوا من ده بنفسهم وهما عارفين هايتأكدوا أزاي ومن مين.!!
مش عاوزين حد يركز على الشو اللي عمله (الخلوق) أو (البيصى) أمام الكاميرات وعرض فيه الهدايا اللي خدوها لأنها كانت أكبر خدعه للتغطية على اللي شفطوه فعليآ من ورا السفرية.
-تخيلوا بقى وأحسب معايا مبلغ ١٠ آلاف دولار فى عدد أفراد البعثة اللي تجاوز ٥٠ شخص يعنى ٥٠٠ الف دولار.
-احسب معايا ٥٠ ساعة من النوع الفاخر اللي الخلوق شخصياً كان بيقول عليها بملايين ما وصلتش للاعيبة ومايعرفوش عنها حاجة لحد لحظة كتابة البوست ده.
-طبعآ احنا مجبناش سيرة العربية الزيرو بمواصفات خليجية اللي طلبها (الخلوق) أو (البيصى) لمشرف الفريق (ابوشده) شخصياً لأنها محتاجه بوست لوحدها ..
*انتظرونا بعد غداً الثلاثاء بنفس الموعد عشان ننزل بالحلقة الثانيه من حوار أنا نفسي في عربيه ..... يا بابا خلي عمو الشيخ ..... يجبلي العربيه
- اهي دي فضيحة من النوع السوبر ومع ذلك مش هانستغلها عشان إحنا بنترفع عن الصغائر 😉 بس حبينا نقولكوا أننا عارفين ومكتب الشخصية العربية الشهيرة عارف ولما سألكوا قولتوا ده إحنا هاندعم بيها الفريق مع انه اساسا هو اللي بيدعم.
أدي أول قلم ياولاد الحرامية.
ويالي جاي قول للي رايح يا رب كتر من الفضايح 🙏🙏
#ابوشده_والبيصى_وعصفوره_بيه
ليست هناك تعليقات:
إرسال تعليق