الى سكان الساحل الشمالى القلودين العشوائيين ارجوكم محدش يزعل من كلامى .
او بمعنى اصح ده مش بس كلامى ده تساؤل كتباه مغتربة عايشة فى كندا ونزلت مصر مع بنتها اجازة واتفاجئت بالمتغيرات الغبية اللى حصلت فى بلدنا وان هى وبنتها جاتلهم صدمة حضارية مرعبة من كم الفساد اللى شافوه من المراهقين واهاليهم اللى بيتدعوا ان الكلام ده بيحصل برة عادى .. وانا كرحاب يسرى مع سفرى وترحالى ماشوفتش ده بيحصل من الاجانب الا اللى بيجولنا الوطن العربى عشان يشقطوا رجالة او من الناس المعروفين انهم فاسدين اخلاقيا او الطبقات المتسلقة .. لكن ناس عادية اوروبيين وامريكان وغيره لا مابيحصلش الكلام ده .. وخلينى انقل لكم رسالة الست المصرية الكندية لعلها تكون مصدر تنوير والهام لمن يهمه امر اولاده
(( يا ناس فوقوا و ربوا عيالكم !! ربوا عيالكم قبل فوات الاوان 🙈 ليه عيال في سن ١٥ سنه تشرب خمرة !!! ليه بنات تصاحب و تروح تقضي اليوم في بيت صاحبها !! ليه العيال معاها فلوس بالالفات لدرجة انهم في السن ده خروجتهم يتغدوا في ساتشي !! ليه بنات تعمل عيد ميلادها ١٦ سنه كأنه فرحها !! ليه نعلم ولادنا ان كل شيء مباح و ان الفلوس ملهاش قيمة !! ليه من سن ١٥ سنه البنت تلبس Valentino and Gucci!!! ليه الساعة ال Rolex دلوقتي !!! طيب ايه اللي هبسطهم لما يكبروا ؟؟؟ ليه نطلع جيل بيقيم أصحابه علي حسب عندهم فلوس قد ايه !!!! والله و الله انا مبحبش أقارن بس أصحابها في كندا آخرهم جزمة converse و لو خرجوا راحوا السينما مينفعش ياكلوا بره علشان ميصرفوش كتير ... لكن في نفس الوقت بيصرفوا آلاف علي رياضة و تمارين و كورسات ، المسألة كلها هي ثقافة أولويات ... انا فعلا مصدومة من حجم المنظره اللي الجيل ده هيتربي عليها، احنا مكناش كده )) 😞😞 خلص كلامها
فعلا احنا مكناش كدة
وحقيقى فعلا كان فيه عرى بس فيه رقى
وحقيقى كان فيه خروج بس مكنش فيه اسفاف
وحقيقى مكنش فيه حجاب منتشر بس كان فيه إلتزام
وحقيقى كان فيه ماركات بس للشياكة مش للمنظرة لمن استطاع اليها سبيلا
كان فيه خروجات بس من غير بذاءات
كان العيب عيب مش حاجة عادى
انا شايفة ان انعدام الاخلاق والنخوة بقت من العاديات .. انا اسفة .. يمكن انا دقة قديمة .. ويشرفنى ان ولادى كمان يكونوا دقة قديمة .. واتمنى ويشرفنى ويسعدنى انى اجوزهم ناس معتدلين ودقة قديمة زينا .. متعوب على تربيتهم .. عارفين معنى القرش الحلال والعيب والحرام وعينيهم مليانة ومش محتاجين يبينوا ماركة مايوهاتهم عشان يبانوا انهم ولاد ناس .. لانهم اصلا ولاد اصول
#ربوا_ولادكم
#الاعتدال
#رحاب_يسرى
Abdelrahman Al Sarraf Abdelrahman Hesham Aliaa Hesham Anan Hesham
ليست هناك تعليقات:
إرسال تعليق