الانترفيو من A to Z
#مكالمة_الانترفيو
1- رد على الموبايل من اول مره.
2- ركز فى المكالمة و اعرف كل التفاصيل المهمه للى هتحتاجها (اسم الشركة - مجال عملها - عنوانها ).
3- اعرف مين الشخص اللى هتقابله و نوع الانترفيو Technical interview او HR Interview.
4- اعرف مين الشخص اللى بيكلمك و ازاى تقدر تتواصل مع الشركة.
5- اكتب كل التفاصيل علشان متنساش
6- لو المعاد مش مناسب اطلب تغييره في نص المكالمة.
7- لو حصلك ظروف و مقدرتش تروح او اتأخرت لازم تتصل تعتذر.
8- متسألش عن الراتب فى التليفون.
9- أسأل تلبس formal ولا smart casual.
#يوم_الانترفيو
1- متملاش ابلكيشن بفلوس تحت اى ظرف
2- اسأل كويس عن الشركة و عن الشخص اللى هتقابله قبل ما تروح و حاول تعرف معلومات عنهم.
3- خليك برنس فى نفسك كده علشان مظهرك مهم جدا ( بس متعملش فيها على بيه مظهر علشام متأفورش منك).
4- اللباقه و الثقه فى النفس (بدون غرور).
5- ما تتأخرش ابدا عن ميعادك.
6- الانطباعات الاولى تدوم.
7- الابتسامه الجميله الهاديه على وشك.
8- ما تتكلمش كتير.
9- الانترفو مش امتحان شفوى.
10 انت شخص طموح عنده اهداف بتاع شغل و غير مادى و بيطور من نفسه و بيتعلم بسرعه و بيلتزم بالتعليمات و بيقدر يأخد قرارات و بيتصرف بحكمه و ما بيكذبش و لو مش عارف بيقول انه مش عارف بدون فتى كتير.
#اخطر_اسئله_الانترفيو ؟؟؟؟؟؟
1- تعرف ايه عن الشركه.
2- كلمنى عن نفسك.
3- ليه سيب شغلك القديم .. ليه بتتنطط كتير من شغل للتانى؟
4- عاوز راتب كام ... كنت بتقبض كام فى شغلك الشغل اللى فات ؟
5- ايه كتر مزايا شايفها فى نفسك و ايه اكتر العيوب ... او بصيغه تانيه ايه نقاط القوه بتاعك و ايه نقاط الضعف اللى عندك ؟
6- ليه شايف نفسك تصلح للوظيفه دى اكتر من غيرك؟ او ايه اللى يخلينى اعينك عندى فى الشركه ؟
7- امتى ممكن تفكر تسيب الشركه و تمشى ؟
9- لو بعد كده اتعرض عليك راتب كبير فى شركه تانيه هتعمل ايه ؟
10- تتصرف ازى لو حصل ...... (و يقولك على موقف رخم او سخيف) ؟
#اسئله_لازم_تسألها_فى_الانترفيو ؟؟؟؟؟؟؟
1-طببعه العمل و مسئولياتك و مستقبلك فى الشركه.
2- مواعيد العمل و الاجازات .
3- الاقامه و الانتقالات و مكالمات الموبايل.
4- التامين الاجتماعى و التأمين الطبى ده بالنسله لمصر / بره مصر التأمين الطبى بس .
5- الراتب ( Gross salary / Net salary) و الزيادات السنويه و قيمتها.
#خلى_بالك_من_الحاجات_دى_فى_الانترفيو
1- ممكن يقولك تشتغل فى البدايه بدون راتب او براتب قليل (فتره التدريب).
2- ممكن يقولك على راتب قليل لمده 3 شهور (فتره اختبار) و بعدين يتعملك تقييم.
3- هيعشمك بال Bonus و المكافآت و الحوافز و اللى الذى منه ( خد بالك من الحته دى * ابنك فى ايدك متدورش عليه*).
4- هيفاصل معاك فى الراتب اللى هتطلبه لان شركات كتير يهمها تعين موظفين كويسين برواتب قليله.
5- لازم تعرف الراتب بتاعك كام بالظبط ( اللى اوله شرط اخره فلوس).
6- الاوراق الى بتوقع عليها فى الشركه علشان التعيين لازم تكون عارف ايه هي و تقرأها كويس.
7- الاوراق اللى متوقعش عليها (شروط جزائيه او استقاله مسبقه).
#ايه_الاسباب_اللى_تخليك_تترفض_فى_اى_انترفيو ؟؟؟؟
1- انك تكون Under Qualified.
2- انك تكون Over Qualified.
3- معرفتش تعبر عن نفسك كويس.
4- علشان بتكذب و تحور فى ال CV كتير.
5- ظروفك مش مناسبه للوظيفه.
6- اعطيت انطباع عنك انك شخص مادى او ممكن تسيب الشغل فى اى وقت.
7- كنت مش واثق فى نفسك (متردد - قلقان - متوتر - مرتبك).
8- الغرور و عدم اللباقه فى الكلام.
9- طلبت راتب اكتر مما تستحق بفرق كبير.
10- شكلك معجبوش.
بكده نكون خلصنا كل التفاصيل الخاصه بالانترفيو
ليست هناك تعليقات:
إرسال تعليق