الأحد، 25 يونيو، 2017

كلام حقيقي يوضح الفروق الاجتماعية في مصر ويقولك شد الحزام منقولة

😏😏😏 😏
بشوف ناس مصر بالنسبة ليهم هي التجمع الخامس والرحاب
والزمالك والمهندسين والويك إند في السخنة..
الصيف في الساحل الشمالي .. كانت مارينا زمان .. دلوقتى مارينا أصبحت بيئة عشان المصريين التانيين عرفوا طريقها فراحوا أمواج و مَراسي..

كلهم عندهم أنكل مجدي اللي بيشتغل في جهة أمنية عليا وبيحللهم كل المشاكل .. ويطلعلهم الرخصة وهما في البيت ويرجعهالهم لو إتسحبت رادار في طريق الساحل ..

بيلعبوا رياضة في النادي اللي اشتراكه ١٢٠الف وبينزلوا البيسين النضيف ...

بيتعلموا في الشويفات و مدارس خاصة مصاريفها مش كتير من ٨٠ ل ١٢٠ الف جنيه في السنة و في الجامعة يروحوا ال auc أو يتعلموا برا في لندن أو أمريكا ..

بيتعالجوا في دار الفؤاد والسلام والمركز العالمي ..
قدراتهم التحليلية ومزاجهم العام متوافق جداً مع أحمد موسى وأشباهه

طبعا فيه أزمات كتير ممكن يمروا بيها في حياتهم ..
إن مثلاً أنكل مجدي يقفل تليفونه فيضطروا يقفوا في طابور إستخراج ورقة رسمية ...

طبعا الناس دي مصر بالنسبة لهم جميلة أوي و مش ﻻزم تتغير .. ومبارك كان جميل اووي ..

هما هما نفسهم كلامهم دايما عن روعة أوروبا في إحترام القوانين وحرية التعبير والعدالة وبساطة المسئولين .. بس لما تيجي لمصر ... شعب جاهل ﻻزم ياخد بالكرباج .. الثورة خراب وافكار العدالة اﻻجتماعية تهريج .. ﻻنه ربنا خلق الناس طبقات ... سادة و عبيد !!!

الناس دي ظاهرة صوتية فقط .. عند الحراك اﻻجتماعي والجماهيري بتكون أول ناس تخلع .. صعب يتحملوا قنبلة غاز أو ضرب نار .. فلوسهم برا مصر أو جوه مستخبية..

بيحبوا مصر أوي على تويتر والفيسبوك وفي قعدة الأنس
في النادي وما شابه .. وأي حد ينتقد أونكل مجدي لو غلط يبقى وحش و همجي 😣

دول .. ﻻ ولن يحدثوا تغييراً وﻻ يريدونه وﻻ يخاطروا بأنفسهم من أجل الأخر  من الأساس .. حتى ولو كان انكل مجدي بذات نفسه اللي حاميهم
لو إنقلب عليه الدهر وساب الجهة الأمنية .. !!

إرسال تعليق

ابو تريكة

https://youtu.be/FiDaRl7RF44

قران كريم