الأحد، 23 أبريل 2017

هذه البنت انتحرت ماهو السبب

"13 reasons why"

ده اسم مسلسل بيتكلم عن بنت قررت انها تنتحر وسجلت اسباب انتحارها على شرايط كاسيت وبعتتها للناس اللى اتسببت فى انتحارها عشان يسمعوها وهى ميتة ويعرفوا انهم كانوا سبب فى انها نهت حياتها..القصة حقيقية والشرايط موجودة يوتيوب..المسلسل بيجيب اكتئاب حرفيا بس بيعكس واقع ان ممكن شخص يقرر ينهى حياته بسبب انه اتخذل من اصدقائه ومن ناس بيحبهم..بعيدا عن حجم الخذلان اللى حصلها واللى هتشوفوه فى المسلسل.. بس بيعكس ان الكلام اللى بيجرح والمواقف ممكن يخلوا فعلا شخص يوصل نفسيا انه ينتحر..

فكرت قد ايه فيه اشخاص زى "هانا بيكر" فى حياتنا يوميا..قد ايه فيه اشخاص بيتجرحوا من الكلام والمواقف وبيشيلوا جواهم وناس كتير وانا منهم ممكن اصلا مياخدوش بالهم..من فترة فيه بنت اسمها "زينب" البنت دى كانت نشيطة وبتشارك فى اعمال خيرية وليها اصدقاء كتير..البنت جت فى فترة حصلها عدم اتزان وبعدين قررت تقلع الحجاب..اصدقائها مدعى الدين بعدوا عنها وعنفوها وجرحوها بالكلام..على مشاكل فى حياتها كمان..البنت انتحرت..ممكن يكون فيه اشخاص كتير شاركوا فى قتلها مش انتحارها ده بكلمة..الله يرحمها..

لازم نعرف حجم الكلمة اللى بتتقال اللى ممكن تسبب جرح..حجم انك تخذل شخص..حجم اى موقف نعمله..انا عن نفسى بتمنى اى شخص خذلته يكون سامحنى..بتمنى ناخد بالنا من كلامنا ومواقفنا لان فيه ناس فعلا بيفرق معاها الكلمة..الكلمة سلاح ذو حدين..كلمة طيبة تسعد الشخص وكلمة تجرح وتأثر نفسيا وممكن تموت...

ليست هناك تعليقات:

قران كريم