راى المدونة اتفق معك فى كثير مما تقول ولكن مارايك فى؛-
1-هل الجماعة تستحق الرحمة بعد خيانة الثورة
2- هل الجماعة تستحق الرحمة بعد بيع مصر لتنفيذ المخطط
الصهيونى
3- هل الجماعة تستحق الرحمة بعد ما فعلوه امام اﻻتحادية
منها قتل الصحفى الحسينى ابو ضيف
ﻻنه صور فضائح اﻻخوان وجرائمهم
ولانه كشف السبب للعفو لبعض المساجين { اخو مرسى
احد المساجين بتهمة الرشوة } طبعا مش معقول اخو
الرئبس ىبد من العفو
4- هل الجماعة تستحق الرحمة بعد هذا الدستور الملاكى
رافضين اى تعديل وهو اتعمل من اصله خطا ليه لكى
يعطيه حرية بيع مصر
5- هل الجماعة تستحق الرحمة بعد حمل اسلحة وترويع
سكان رابعة والشعب المصرى وقتل من يحاول رصد
ما يفعلوه داخل رابعة
6- هل الجماعة تستحق الرحمة بعد الرشوة لكبار اﻻخوان
من مسؤول قطرى ب69مليون بكشف موقع فيه كل
واحد باسمه تم عرضه الصحفى جابر القرموطى
7- هل الجماعة تستحق الرحمة بعد تخلى مرسى عن تعهده
ووعده للثوار وجبهة اﻻنقاذ وللشعب وقف وفتح صدره
8- هل الجماعة تستحق الرحمة بعد ان طلب قادتها التدخل
اﻻجنبى {دى خيانة عظمى للوطن تكفى رجمهم بالنار
فى ميدان عام } وانا بكتب العبارة السابقة الدم فى
عروقى غلى وراح لنافوخى شئ ﻻ يصدقه عقل
هل ده مصرى اصيل وﻻ اخوانى خائن
9- هل الجماعة تستحق الرحمة بعد سماع قادتها وهما
بيقولوا اﻻحداث فى سيناء ستنتهى بمجرد رجوع
المعزول مرسى ربنا ﻻ يرجعه وﻻ يرجعهم وﻻ
يرحمهم على ارض مصر الطاهرة مصاصى الدماء
10- هل الجماعة تستحق الرحمة بعد استغل مرسى
وقام بتحويل الدولة الى اخوانية انا انتخبت مرسى
بعصر الليمون وسد الانف والاذن وتغطية العيون
وقلنا يمكن يعدل ويخاف ربنا لاخونته وينفذ مطالب
الثورة والشعب {لقد خان اﻻمانة واصبحوا ﻻ يامن لهم}
11- هل الجماعة تستحق الرحمة بعد خيانة مرسى لعالم
الصواريخ الباليستية المتطورة د حلمى وسجن بسبب
خيانته
12- هل الجماعة تستحق الرحمة بعد بسؤال هم جدا
ومحتاج تفسير لماذا امريكا واروبا مهتمه بارجاع
اﻻخوان للحكم هل من اجل الديمقراطية
وما مدى علاقة اللوبى اﻻخوانى العالمى والصهيونية
العالمية
♥♡ هل الجماعة تستحق الرحمة اقرا مدونتى لتعرف
ليه هذه الجماعة ﻻ تستحق الرحمة وانا اقصد
{{{{ القادة الكبار}}}
اسم المدونة [[ اين العدل Wayne Justice ]]
Http://morsy-abo.blogspot.com
اليكم مقالة الكاتب الى بحبه وله مقالات بمدونتى سابقة
● أنت بأي حق تتهمني إني غبي وغبائي هيضيع البلد؟
ـ إنت زعلان من أنهي جزء.. من إنك غبي ولا من إن غبائك هيضيع البلد؟.
● هتهزر.. مش من حقك توصفني بالغباء أصلا.. ده رأيي وأنا حر فيه.
ـ بالمناسبة أنا وصفتك بالغباء إنت وصفتني بالخيانة وما زعلتش منك.. لإن في الآخر من حقك تقول اللي إنت عايزه وربنا عالم بالحال.. بص بهدوء كده.. افتكر أنا وصفتك بالغباء امتى.. مش لما لقيتك فرحان جدا باللي حصل الأيام اللي فاتت وبتقولي إن الفرم والقمع والضرب بالنار هو الحل الوحيد للتعامل مع الإخوان
● صدق اللي قال عليك خلية إخوانية نايمة؟
ـ وبعدين بتزعل لما أقول عليك غبي.. انت عارف موقفي من الإخوان من ساعة ما خانوا الثورة وأخلفوا وعودهم اللي وصلتهم للحكم وتقدر تقرا مقالاتي لو عايز.. وأنا مشتوم ومتكفر ومتخون منهم لما قلت يا بس.. ولحد دلوقتي كتير منهم بيشتموني لإن غباءهم السياسي لسه مصور لهم إن مرسي ممكن يرجع تاني ومتخيلين إنهم مش بيدفعوا دلوقتي تمن أخطاءهم اللي لما كنا بنهاجمهم بسببها كانوا بيكتفوا بالإستهزاء منا والتعالي علينا.. لكن ومع كل ذلك هل اللي بيحصل معاهم دلوقتي من غشومية وقمع وقتل عشوائي وعقاب جماعي هو الحل الوحيد للتعامل معاهم؟.. ده الخلاف اللي انت مش قادر تستوعبه لإنك مبسوط بنشوة الهستيريا اللي ممكن تنفع في فيلم أكشن.. لكن عمرها ما تنفع في واقع مرير زي واقعنا.. هافضل أسألك بدل المرة عشرميت مرة.. ممكن تشاور لي على أي صراع في العالم مع جماعة مسلحة سواء سميتها إرهابية أو أي اسم يعجبك.. تم حسمه بدون مفاوضات وبدون حوار.. على سبيل المثال لا الحصر ممكن تقول لي هل تركيا حسمت بالسلاح صراعها مع الحركات الكردية اللي ارتكبت تفجيرات وجرائم ضد المدنيين .. تقدر تقولي دفعت الدولة التركية قد إيه دم ومال وأرواح عشان تحسم الصراع لمصلحتها وفي الآخر أهي قاعدة دلوقتي على ترابيزة المفاوضات ولسه بتحاول ومين اللي معطلها؟.. الناس اللي راح لهم ضحايا في الصراع وشايفين إن الانتقام هو الحل.. صح ولا مش صح؟
● عايز تقول إيه يعني؟
ـ طيب تسمع عن الجيش الجمهوري الأيرلندي.. أهو ده عمل تفجيرات وحوادث إرهابية بعدد شعر راسك.. وفي الآخر بعد مليارات الجنيهات الإسترلينية اللي اتصرفت لمحاربة الإرهاب ماخلصتش الحكاية إلا بمفاوضات سلام واللي كان بيتقال عليهم قتلة إرهابيين خدوا عفو.. وماطلعش حد يزايد غير الأغبياء اللي بيحلموا بالانتقام.. بالمناسبة في برضه أغبياء لسه لحد دلوقتي بيحلموا بالانتقام.. ده غير إن أصلا ما عندكش بوليس مدرب زي البوليس البريطاني عشان تتكلم عن حسم صراع مع الإخوان أصلا؟
● برضه مش فاهم عايز تقول إيه يعني؟
ـ بلاش إيه رأيك أقرا لك كده سطور كتبها المثقف العراقي أحمد سعداوي وبعثها لأصدقاءه المصريين على الفيس بوك بيقول فيها «على هامش الحديث المصري عن اصدار قرار بـ «اجتثاث» الأخوان، وفتوى من أحد شيوخ الأزهر باخراجهم من الملّة؛ لنا تجربة سيئة مع الاجتثاث. في بعض الاحيان حتى لو كان الحق «اليوم» معك، ولكن ستكون ضرائبه غالية غداً. تتذكرون قرار حازم الشعلان بـ اجتثاث التيار الصدري، واصدار مذكرة اعتقال بحق زعيمه. كان قراراً لتأجيج الأوضاع الأمنية وليس لحلّها، ونوعاً من الاستهانة بقوة التيار في وقتها، ثم رضخوا له وتفاوضوا معه لاحقاً.ما الذي جنيناه بعد عشر سنوات من «اجتثاث البعث»؟ ما زال البعث يمثل بعبعاً لـ»العملية السياسية» في العراق، واليوم هناك من يرى من الحكمة أن نتحاور معه. نتحاور بعد عشر سنوات من الفشل في القضاء على البعث».
● برضه مافهمتش عايز توصلني لإيه يعني؟
ـ اصبر معايا شوية، ما لفتش انتباهك وانت بتتابع الأخبار إن في مفاوضات سلام في كولومبيا دلوقتي مع الميليشيات اليسارية المسلحة اللي اسمها الفارك واللي بتحارب السلطة من سنة 1964 وموتت ناس بعدد شعر راسك وفي فصائل منها تاجرت في المخدرات وعملت الهوايل مع إنهم بدأواحياتهم في الأول ثوار وأصحاب مبادئ وقلبوا مجرمين بسبب القمع.. ومع ذلك ما بدأش حال كولومبيا يتصلح نسبيا في عهد الرئيس الحالي إلا لما قرر يبدأ عمل مفاوضات سلام معاهم لسه لحد دلوقتي محفوفة بالمخاطر وفي مهب الريح بس لأول مرة الناس كلها تدرك إن مافيش طريق تاني بعد صراعات مسلحة دامت سنين. كل ده باقولهولك من الذاكرة ولو حضرتك استعنت بأي خبير سياسة هيقولك إن الحرب على أي جماعة مسلحة ليها ظهير شعبي مسألة صعبة جدا.. إنت ممكن تصطاد جماعات إرهابية أجنبية زي القاعدة كده في افغانستان لإن مالهمش أي ظهير شعبي مساند ليهم.. وحتى ضربهم بقوة من أمريكا وبريطانيا بكل امكانياتهم وكفاءاتهم خد سنين طويلة لإن برضه كان ليهم ظهير محلي مساند سواءا مقتنع بأفكارهم أو مستفيد من فلوسهم.. ومع ذلك طالبان بقى نفسها ماقدرتش حتى أمريكا وبريطانيا تقضي عليهم لحد دلوقتي وبدأ الكلام عن أهمية التفاوض معاهم ومحاولة شق صفوفهم بالسياسة.. فانت بقى متخيل إنك هتقدر تقضي على آلاف المواطنين المصرييين وتقتلهم وتحبسهم وتنكل بيهم من غير ما تدخل البلد في حرب أهلية لا يعلم مداها إلا الله
● عايز تقول إيه يعني بعد كل ده؟
ـ ما فيش كل ده كنت باحاول أقنعك إنك غبي وإن غباءك هيضيعن
ليست هناك تعليقات:
إرسال تعليق