النهارده فى كل ولايات امريكا وبالتحديد فى العاصمه واشنطن ملايين من شباب المرحلة الثانويه  نظموا مظاهرات عارمه للاحتجاج على تخاذل اعضاء الكونجرس فى  التصدى لاقوى لوبى (جماعة ضغط سياسيه) فى تاريخ الولايات المتحده
لوبى الجمعيه القوميه للبنادق National Rifle Association (NRA)
الجمعيه ديه  اقوى من اللوبى اليهودى بمراحل
ديه ماحدش بيقدر يقرب منها. عدد مؤيدينها 5 مليون عضو وبيضخوا ملايين فى  كافة مستويات العمليه الانتخابيه فى امريكا, يعنى عطوا ترمب  فوق ال 30 مليون دولار  فى الانتخابات اللى فاتت لوحده.
الجمعيه ديه ضد اى نوع من القوانين اللى تمس حرية المواطن فى اقتناء السلاح.
اى قوانين من اى نوع, حتى لو قانون بيمنع المخابيل من اقتناء الاسلحه او بيحاول يمنع اسلحه اليه زى الرشاشات او حتى المدافع المضادة للطيارات من انها تكون فى ايد اى حد عاوز يشتريها ويمشى بيها فىالشارع.
والنتيجه تقريبا كل اسبوع مذبحه جماعيه جديده. وخصوصا فى المدارس لانه معروف ان الطلبه فى المرحله ديه فى سن المراهقه ما بيكونوش عندهم اتزان عقلى واى حاجه ممكن تثيرهم فيروحوا يجيبوا اسلحه ويرجعوا يفتحوا النار على الكل.
ورغم ان اكتر من 90% من الناخبين فى امريكا رافضين الكلام ده
لكن فلوس اللوبى فى الاخر بتحسم تصرف اعضاء الكونجرس.
لحد المدبحه الاخيره فى فلوريدا
مجموعة من الطلبه  قررت انها حاتتحدى ال NRA
فى الاول قالوا شويه طلبه غلابه متنرفزين وحايهدوا فى خلال يومين
لكن ده غاظ الطلبه اكتر وقرروا انهم ينطموا نفسهم ولان الطلبه فىالسن ده حريفه فى السوشيال ميديا والهاشتاج و الكلام ده
قدروا يتواصلوا مع كل الطلبه فى كل المراحل فى كل المدارس فى كل الولايات
وتحت شعار
#never_again
قرروا انهم يعلنوا اليوم زحف على العاصمه امام قبة الكونجرس وحشدوا ملايين
كل القنوات فى امريكا والعالم بتصور
الاولاد اللى ماكملوش 18 سنه واقفين قدام ملايين البشر وبيلقوا خطابات ولا مارتين لوثر فى زمانه
لغه بسيطه مؤثره فعاله
وخطط للمستقبل
ومطالب محدده ومعلنه
قوانين لسحب الاسلحه الاليه من التداول
فرض (فيش وتشبيه) كامل لكل واحد عاوز يتشرى سلاح
منع خزانات الرصاص ذات الطلقات الكثيفه
واعلنوا تحذير ان اى عضو من الكونجرس حايقبل تعريفه احمر من ال NRA
حايعتبروه هدف لاسقاطه فى الانتخابات القادمه
--
قوة اى بلد بتستمد من قوة شبابها مش سجنهم
مستقبل اى دوله بيتوقف على خلق اجيال من القاده
مش اجبار طلبه حضانه يهتفوا
"مش سامع حاااجه"
واحد فيلسوف امريكى كتب جمله معبرة جدا  فى مقاله زمان
والكلمه ديه دايما بفتكرها لما ابص على حالنا فى الشرق الاوسط
"We Have Met The Enemy, and they are Ours"
لقد قابلنا العدو, ووجدنا انه "نحن" !!