دة منقول من جروب غير دينى
بس عاوزة اقولكم دة حال اسر كريمة
وعاوزة اقولكم دة مستحيل يستمر
لو سمحتى من غير اسم
انا وجوزى بيشتغل فى وظايف كويسة ودخله معقول نشكر ربنا
وكنا عايشين حياتنا مرتاحين خالص
بنصرف براحتنا وبنوفر الى بيفضل
ومن ساعه مااتجوزنا من ١٠ سنين واحنا دايما بنطلع العشور اول حاجه اول مانقبض وبيتحطوا فى ظرف لوحدهم بعيد عن مصروفنا وبيروح للمحتاجين والملاجئ والكنايس واخوة الرب ياما شهريا او على الاعياد ودخول المدارس
فدايما الظرف ده كان بيبقى فى مبلغ كويس
من ساعه الغلا مابدا والحياه بقيت صعب
فى الاول مابقاش يتوفر اى حاجه زياده
بعد كده المرتب مابقاش بيكفينا خالص
حاولت اقلل مصاريفى ربنا يعلم ولا بقينا نخرج ولا بقيت اشترى لبس جديد ليا ولا له الولاد كانوا مشتركين فى انشطه ورياضات كتير قللتهم خالص باص المدرسه بدلته بتاكسى كتب المدرسه اشترتها من بره بحاول ربنا يعلم على اد ماقدر
بس برضه دخلنا مش مكفينا مع الغلو البشع فى كل حاجه حوالينا
بقيت استلف من ظرف العشور لما الفلوس تخلص وارده لما اقبض مع العشور الجديده واقول لما استلف من ربنا احسن مااستلف من بنى ادم
مع الوقت والغلو مابقيتش عارفه اسد الى عليا لربنا ودلوقتى حتى مابقيتش قادرة اطلع العشور الجديده
وبرضه دخلنا مش مكفينا خالص وبقيت مابطلعش عشور وعليا اصلا عشور قديمه استلفتها وكمان بقيت باخد من الفلوس الى كنا موفرينها زمان قبل الغلا
انا تعبت تعبت خالص ومابقيتش عارفه اعمل ايه
انا زمان كنت اسمع معطى المحتاج لا يحتاج
وكنت دايما بدى لاى حد بيطلب اى حاجه
علشان محتاجش فى يوم من الايام
بس انا دلوقتى بقيت محتاجه ربنا يعلم
وانا وضعى انا وجوزى بيفرض علينا مستوى معين وعيشه معينه زمش قادرين عليها خالص
صلولى ربنا يوسع رزقنا ويبارك فيه
واقدر ارجع اخرج العشور زى زمان
ليست هناك تعليقات:
إرسال تعليق