امشي وراء احساسك افضل منقولة

أوپرا وينفري كانت مرة زمان جدا عاملة حلقة عن الwomen instinct
جابت فيها قصص واقعية كتير و استضافت أصحاب القصص دي عن إزاي الستات قرروا  يتبعوا حدسهم أو to follow their instinct و طلعوا فعلا صح

أم اتخضت فجأة و هي نايمة علي إبنها المسافر، قامت كلمته ، رنة الموبايل فوقته لأنه كان إبتدا يغمي عليه من ريحة الغاز اللي ناسيه مفتوح في البوتاجاز ، لو كانت كدبت احساسها و كملت نوم كان إبنها مات

ست جالها احساس إن جوزها بيخونها مع إن مكانش عندها أي دليل و هو كان مأمن نفسه جدا إنه ميتكشفش، لكن اللي كشفه كان الinstinct اللي خلتها تتأكد من حاجات لو مركزتش كانت عدت عادي و مخدتش بالها

ست ركبت تاكسي ، أول ما ركبت مش مرتاحة للسواق ، كان ممكن تكمل و هي بتقنع نفسها إن مفيش حاجة ، لكن هي قررت تقول له يقف علي جنب في لحظة ما بتفتح الباب ، رفض و فعلا طلع سلاحه كانت هي لحقت نفسها و نطت، تأخير ثواني كانت خلاص اتقتلت

ست جالها مندوب مبيعات ع الباب و اشترت منه حاجة و قررت تدخل تجيب فلوس ، حست إنها مش مرتاحة إنها تسيب الباب مفتوح لأن إحساسها قالها إنه مريب ، قفلت الباب و دخلت و طلعت له الفلوس من فتحة الجوابات في الباب
بعدها بكام ساعة كان الاسعاف و البوليس عند جارتها اللي المندوب دخل و قتلها و سرق البيت و هرب

ضيوف الحلقة كانوا دكاترة نفسيين و اجتماعيين اتكلموا عن الفرق بين الست و الراجل في قصة الinstinct و إن عشان الراجل عقله بيغلب فبيمشي ١+١=٢ و طالما مفيش دليل يبقي متشغلش دماغك
لكن الست عشان عندها عاطفة أشد بكتير من الراجل يتخليها تتغاضي عن ان ١+١=٢ و بتقرر تمشي ورا إحساسها الّي أغلب الوقت بيطلع صح

الحلقة محورها كان رسالة للست :

Always follow your instinct, the loss is more if you denied it

مش هتخسري حاجة لما تتأكدي و تمشي ورا إحساسك، لكن هتخسري كتير لو تغاضيتي عنه

و عامة الرسالة الأشمل :
خافوا مننا✋🏻😌