الأحد، 16 أبريل، 2017

رسالة من مواطن منقولة

منقوووووول
رسالة للريس واتمنى تلف الفيس لحد مالاقى رد من رئاسة الجمهورية... - #عبد_الفتاح_السيسي
بص ياريس انا هادخل فى الموضوع على طول 😊
حضرتك  انا مش هاتكلم فى مشاكل كبيرة
انا حضرتك مايفرقش معايا مجدى مكين مين اللى قتله ولا رچينى ولا العاصمة الجديدة ولاقناة السويس الجديدة ويتحرق الجنيه ع الدولار ولا ان تيران وصنافير مصرية ولا سعودية لانها مصرية واذا خدوها دلوقتى مسيرنا هانجيبها تانى انا مشاكلى بالنسبة لسيادتك اتفه من كدة 😒😒
البيضة بقت بجنيه ونص انت مُدرِك ..
العدس مابقاش للفقرا ..
وجبة الفول ع العربية بعد ماكنت بخمسة بقت بسبعة البامبرز زاد ٤٠٪ اه وربنا ده غير لبن الأطفال المجفف
التونه بقت ب 30 جنيه
البصل و البطاطس ب ١٠ جنيه
سندوتش البطاطس برا بقي بـ 5 جنيه بقينا نجوع بجد ✋
اكل الغلابه غلي اوي يا ريس مش هقولك عيزين لحمة
وفراخ  ابسط حقوقنا مبقتش موجودة متجوش علي اكل الغلابه يا سعادة الريس متجوووش علي اكل الغلابه يا سعاادة الريس✋
طيب الناس الغلابه اللي كانو بيتغدو بطاطس مقليه و شويه فول هياكلوا ايه ؟؟ ؟
ده غير الزيادة اللى بيزودها التجار.. 😳😳
انت عارف ياريس ان المرتب بتاع المواطن بقى بيجيب تلت الحاجة اللى كان ببها الاول
وكأن اللى بيقبض ١٠٠٠ بقى بيقبض ٣٥٠ 😏😏
طبعا مش هاقول لحضرتك على المواصلات وانها زادت برضه ماهو صحيح ماكله زاد يعنى جات على دى..
واكيد فكرة اننا نوفر مابقتش موجودة لان اللى جاى بقى اقل من اللى رايح 😷
والشاب اللي عايز يكمل نص دينه والبنت اللي عايزه تعمل جهاز بسيط .. دي بقيت احلام شبه مستحيله ... لما انتخبنا حضرتك كنا عايزينك تخرجنا من الدمار اللي كنا فيه يا ريس
مش ندخل علي مجاعه ومجزره علي لقمة العيش البسيطه !! 😕😕😔
طب نسبنا من الاكل في ناس بتموت بتتمني بس تلاقي حق الدوا الي غلي بيتقطعو كل يوم من الالم جرب تنزل القصر العيني .. فـ حالات لا يعلم بها الا الله الدوا غلي والناس مش لقيه تاكل .. والتعليم ف الارض
كل اللى عايزة اقوله لحضرتك ان المواطن الغلبان تعب اوى سواء معاه فلوس او مش معاه مفيش حاجه بتكفي و المفروض يكون ده من اولوياتك ياسياده الريس 😏👌
#الناس_بتكلم_نفسها 😔يعنى دلوقتى نمووت من الجوع ما ناكلش ولا نولع في البلد ولا نعمل ايه الواحد فعلا تعب 😔
هتتحاسب قدام ربنا علي كل واحد فينا جاع ومعهوش فلوس تكفي وكل واحد تعب ومعهوش تمن العلاج الي سعرة بقي الضعف .. ولسه عايزنا ننتخب سيادتك تاني
                                                                                  لينا ربنا ياسيادة الريس

#الأسعار_نار 🔥🔥

خدوها كوبي وبلاش شير ..

إرسال تعليق

الخطيب رئيسا ليصبح عالمي وفوق الجميع تاريخ ومبادئ وتخطيط

بين معنى شعار الأهلي فوق الجميع، ورسائله للجمعية العمومية للأحمر، وأمور تحزنه وأخرى تعكس رؤيته للأهلي تحدث محمود الخطيب في ظهوره التلفزيوني ...

قران كريم