بنات كتير دايماً بتسألني ايه هو ال BB كريم؟ وايه فرقه عن ال CC كريم؟
ال BB كريم, أو ال beauty balm كريم, يعني بلسم الجمال, ايه هو بظبط ال BB كريم؟ وامتى وإزاي ممكن نستعمله؟
ال BB كريم بيستخدم كمعالجة ومعادلة للون البشرة ومش فونداشن أو كريم أساس, ومش بينفع نستعمله مع كريم الاساس لكن يعتبر بديل ليه.. هو ليه 5 مميزات ( مرطب للبشرة, بريمر, واقي من الشمس, كريم أساس, حامي من التجاعيد والشيخوخة). طبعا هو كده بديل لل 5 حاجات ديه اللي ممكن نكون بنحطها علي بشرتنا كل يوم, يعني هيوفر فلوس ووقت, وكمان احساسه اخف ومش إحساس كريم الاساس. طب وايه تأثير الكريم ده؟ تأثيره رائع علي البشرة وبيخلي شكلها نضره ونقية كأنها بشرة طفل.
طيب وايه هو ال CC كريم بقي؟ ده يعتبر تطور لل BB كريم , CC يعني Color Corrector أو تصحيح لون البشرة, من مميزاته انه بيعالج البشرة, بيرطبها, بيحميها من الشمس, وكمان مضاد للشيخوخة.. و بيعالج ويخبي لوعندك مكان فيه احمرار أو التهاب في بشرتك ال CC كريم هو الحل الأمثل عشان يخفي العيوب ديه وكمان لو لون وشك شاحب أو مرهق ال CC كريم بيخليه نضر ومتورد.
طيب ايه افضل طريقة عشان نحطه علي وشنا؟ اسفنجه؟ فرشة؟ ولا صوابعنا؟
يفضل إنك تستعملي ايديكي ومش الفرشة, عشان توزعي الكريم بشكل ادق والبشرة تشربه أحسن وكمان تنشطي الدورة الدموية وتعملي مساج لبشرتك بصوابعك.
طيب إيه الفرق بين الاتنين؟ الفرق مابينهم بسيط جدا، لو إنتي محتاجة تداري حاجات بسيطة في وشك وعايزة تغطية خفيفه أو عايزة تعالجي حبوب مثلا يبقي علي طول ال CC كريم لانه اخف ومناسب أكتر للبشرة الدهنية، لكن لو حبة تغطية اتقل وعندك هالات تحت العين أو بشرتك جافة أو عادية يبقي اختيارك الأمثل هو ال BB كريم. يعني من الآخر عشان اللخبطة بين البنات ال BB كريم اخف من الفاونديشن بس اتقل من المرطب علي البشرة وال CC كريم تغطيته أعلى من ال BB كريم عشان تخصص احمرار حبوب بس اخف علي البشرة منه 😙
في النهاية لازم تعرفوا إن منتجات الجمال والمكياج مش هتبطل تتقدم وسبب انتشار ال BB وال CC كريم هو دمجهم لاكتر من منتج مع بعض لأن كل البنات دلوقتي محتاجة الحاجة اللي تبسط حياتنا ومش تعقدها وفي الزمن اللي احنا فيه مع ضيق الوقت وحرصنا على جمالنا وبشرتنا الكريمات اللي من النوع ده بيبقي أحسن اختيار.
لو عجبكم البوست متنسوش تعملوا لايك وشير ليه، وتابعوني في البوست القادم اللي حتكلم فيه عن ماركات واسعار ال BB و ال Cc كريم في السوق ??
#yasmin_elrashidymua #tips #makeupartist #mua #makeup #glam #dyf #instalike #inspiration #instamakeup #makeupjunkie #beautyblogger #beautycoach #followme #followforfollow #happy #nevergiveup #neverenough #7ad_ye3raf_makeup #dressyourface #hudabeauty #arabianmakeup #instagramers #bb_cream #cc_cream #face #cream #yr_makeupartist
ليست هناك تعليقات:
إرسال تعليق