شارك برايك يهمنا Feedback Feedback mhassanabo@gmail.com
maboeleneen@yahoo.com
11 تحب تتجنن معايا!
maboeleneen@yahoo.com
انا مش تايوانى ولا من كوكب تانى...
انا قاعده مفقوعه من اول الثوره مع انى اكثر واحده كان نفسى فيها وناس كتيره عارفه واللى يرجع لبوستاتى القديمه حيلاقي كلامى عنها واكتر واحده مفقوعه بعد تنحى حسنى من اللى بيحصل...
من كل الاطراف.....وما توصلت اليه...
اكتشفت ان الثوره بقيت شغلة من لا شغل له يعنى عاطل وصايع وملوش لازمه بقى ثورجى
اكتشفت ان كل العالم الزباله اللى كانت مختفيه عشان هى زباله بقيت تطلع على التليفزيون
وتقول النظام السابق كان مضطهدنى فكان مخلى الناس تفتكرنى زباله باعتبار اننا هنود مش شايفين زبالتهم علنى
اكتشفت ان الفتايين بيشجعوا واحنا معاهم بقيت ظاهره
اكتشفت ان الاعلام منافق قوى لدرجه كبيره وبيخدم صاحبه واللى بيصرف عليه
اكتشفت ان فى ناس كتير بقيت تناقض نفسها
واكتشفت ان فى ناس كتير بقيت بتشتغل نفسها
واكشفت ان الهيصه اللى يمشى وراها يبقى مثقف وان اللى يمشى برايه يبقى اخوان وسلف
واكتشفت ان الدين الاسلامى واقف فى ظور ناس كتير قوى وبقى وحش قوى فى ذهن ناس كتير قوى
واكتشفت ان كل من هب ودب بيتكلم سياسه وبيفتى فى الدين الاسلامى
وكله كوم واللى كانوا بيسقفوا للنظام القديم وفجأه بقوا يطبلوا للثوره
واكتشفت معانى اخرى للاحترام يعنى كون الراقصه راقصه لا يعنى انها مش محترمه
وكون الخمرجى خمرجى لا يعنى انه مش محترم...
ولما اتكلم فى الشذوذ والعرى وقلة الادب والمسخره وعشان اتكرم عالميا فدا لا يعنى انى مش محترم....
واكتشفت ان كون الشخص ليبرالى او علمانى لا يعنى انه ضد الاسلام ولا الشريعه
وان عادى لازم الناس تنفتح والمجتمع ينفتح ونقبل الخمره والشذوذ والعرى على انه حريه
واكتشفت ان الدين الاسلامى بقى لبانه فى بق الخلق تتشدق بيه
لكن الغريبه اشمعنى بتوع الليبراليه والعلمانيه بيشتموا ديما فى الاسلام ويتدخلوا فيه ومسمعتش حد فيهم بيتكلم عن الدين المسيحى مع ان لو حنمشى بنفس المنطق ...
ليه لم يتم تنفيذ حكم القضاء المدنى بالسماح للمسيحيين بالطلاق....
والكنيسه زعلت قوى واتضايقت واعتبرته تدخل فى دينها واضطهاد؟؟؟
هو المدنيه والليبراليه كخه عليهم وحلوه علينا ؟؟
واكتشفت ان فى ناس بتكرهنا قوى قوى قوى..!؟
وان فى ناس ما بتصدق فى نصيبه عشان تغنى بيها
وان الشعب مبقاش حقانى ولا عادل
وان من يطالب بالديمقراطيه لا يطبقها
وان النخبه فقط هى من يمشى براى الميدان اما انك تخالف تبقى متخلف او اخوان او سلف
واكتشفت اننا شعب رخيص يعنى ممكن زيت وسكر تكسب اصوات الناس فى صفك ...
يا خساره يا حسنى معرفتش السر
واكتشفت اننا وحشين قوى من جوه وان حسنى بكل زبالته ونتانته كان يا دوب ريحه وفايحه مننا
واكتشفت ان القيم اتقلبت واتغيرت...والله يرحمها
واكتشفت ان الثوره كانت ثوره نظافه ونقاشه
واكتشفت ان محدش بيعمل حاجه لله ابدا
واخيرا اكتشفت ان الثورات لا تغير شعوب بل تغير حكام وتبين معادن الشعوب اللى الحمد لله طلعنا نحاس مصدى
................................
ومعلشى على حرقة الدم بقالى فتره مبكتبشى مش عاوزه احرق دم حد بس انا دمى محروق وكان لازم اكتب
..................................
ولو فتحت التعليقات
حكتشف انى مش وطنيه وانى متخلفه وانى غبيه وانى مش مثقفه وانى مش شايفه صح وانى مش موضوعيه
وانى اخوانجيه وانى سلفيه وانى مش اسماء....
فمعلشى حقفل التعليق على البوست واكتفى بانى عارفه الردود بتاعتكم وخلاص
قصة بلادى
شعبك يا مصر
شعبك يا مصر بيتكلم بعلو الصوت
شعبك عمل ثوره هزت كل البيوت
شعبك يا مصر صوته على
واللى اتخرص راح يموت
........................
شعبك يا بلدى
شعبك يا بلدى عاش عمره كله ما بين زليل وعليل
شعبك نفض من التراب وبيطلب التغيير
فوقى يا بلدى الكون من حواليلى بيتغير
فوقى وبطلى تشوفى الكون وهو صغير
.......................
وقولنا خير
وقولنا خير والثوره قامت واحنا حنتغير
وناس قاعده على الفيس تحكى وتتشير
ونزلوا ناسك فى الشوارع يحموا مبانيكى
والموت بيحصد فيهم حصد وشعوب تهنيكى
جيشك وشعبك ايد فى ايد بيخدموا فيكى
وناس بتدهن شوارعك وناس تشيل الزباله
وناس تقول بلاش شفيق وناس تطالب باستقاله
وناس بتلحس ترابك يا بلدى وبيكتبوا الف مقاله
وناس لسه بتتهم بعض شعبك بالعماله والجهاله
.................................
اعلام يشيل ويحط فينا والقلب حزين ومتكدر
.............................
مشى شفيق
ومشى شفيق وجه عصام قولنا البلد زهزهت
وناس طلعت فى الشوارع بكيت ونهنهت
قولنا خلاص مفيش كلام سكوت حنبنى الوطن
وكل فارس معاه لجام حنفوق نعدى المحن
لكن انتى شعبك يا بلدى فاق كل التوقعات
وكل راس فيكى براى وباعوكى فى المزادات
وظهر صراع السلطه وصراع مع الحضارات
وناس بتشتم فى جيشك وتجيب مبررات
وناس تقول بعض شعبك شايل متفجرات
وبقينا مسجد وكنيسه وبناتك عاهرات
وبعض ناسك يا بلدى بقوا ينفخوا فى الكير
والوحده دى منزيفه وستاره للتغيير
وناس تقول اخوان وناس تقولك سلف
يا خساره يا بلدى اتارى شعبك كله تلف
ورجعنا تانى يا وطنى ما بين زليل وعليل
...................
وناس توقع فى بعض وناس بتتشاكل
وناس تقول ارحمونا الثوره خلاص بتتآكل
وصرخنا باعلى صوت وقولنا كلنا واحد
طلعلنا من بين كل البشر واحد وقال ....
عاوزين ديمقراطيه متفصله بالمقاسات
وانا بس حتكلم والكل يقعد فى سكات
الثوره دى بتاعتى وانتوا تبقوا مين
ونسى ان الثوره ثوره الملايين
ثوره الشعب كله وهو زمان كان فين
......................
عاوزين ديمقراطيه متفصله مقاسات عاوزينا نكتم صويتنا ونقعد كلنا فى سكات
لا لا والف لا والكل مصريين لا فى اخوان ولا سلف ولا ناس عاديين
ولا فيكى مسلم ومسيحى وكلنا من الطين
واللى يخون اخوه واللى يقوله عميل واللى بينشر شائعات وينادى بالتهوييل
واللى يتهم جيشك بانه متواطىء او انه متباطىء او انه سايب حسنى واعوانه يبلبطوا على الشاطىء
عمره ما كان منك يا مصر عمره ما كان من الوطن كان طول عمره يا بلدى دايس على العلم
حيعيش ويموت وهو عايش كله الم لو شافك يوم بتعلى وتعلى الف علم
لو شاف ولادك يا غاليه على طول متجمعين لو شاف ترابك البنى بقى اخضر بعد الطين
لو شافنا ايد واحده حتكون حياته سراب ....
فوقوا يا اهل بلدى وكفايه لحد كدا خراب....
وارجعى تانى لثوره الاحباب مش ثوره الاحزاب ....
....................
ودى حكايتك ودى نهايتك وبدمعى كتبتها ليكى ....
قصة شهيد دمه سال عشان دموع عنيكى....
وقتله مرة رصاص غادر وقتلوا شعبك الف مرة بعد ما وأدوا امانيكى ....
...................................
لف وارجع تانى...سياسه التورته
ان ما تشهده بلادنا الحبيبه هو ليس بشىء جديد فهو ما الا سياسه قدمها الاستعمار على مر السنين وشرب منها حكام العرب ونفذوها بكل جداره واقتدار.... سياسه التورته...
سنه 1919 كانت الشراره التى اطلقها المصريين لينولوا حريتهم وعزتهم وتكوين احزاب ومطالبتهم بدستور فما كان من بريطانيا بعد ضغطهم الشديد الا ان افرجت عن سعد زغلول اضطرت إنجلترا الي عزل الحاكم البريطاني وافرج الإنجليز عن سعد زغلول وزملائه وعادوا من المنفي إلي مصر. وسمحت إنجلترا للوفد المصري برئاسة سعد زغلول بالسفر إلي مؤتمر الصلح في باريس ، ليعرض عليه قضية استقلال مصر.
لم يستجب أعضاء مؤتمر الصلح بباريس لمطالب الوفد المصري فعاد المصريون إلي الثورة وازداد حماسهم، وقاطع الشعب البضائع الإنجليزية، فألقي الإنجليز القبض علي سعد زغلول مرة أخرى، ونفوه مرة أخرى إلي جزيرة سيشل في المحيط الهندي، فازدادت الثورة اشتعالا، وحاولت إنجلترا القضاء على الثورة بالقوة، ولكنها فشلت.
وترتب عليها :
اضطرت انجلترا بسبب اشتعال الثورة إعطاء مصر بعض حقوقها فكان
- اصدار تصريح 28فبراير 1922 الذي نص على (أ) الغاء الحماية البريطانية عن مصر (ب) اعلان مصر دولة مستقلة
- صدور أول دستور مصري سنة 1923
- تشكيل أول وزارة برئاسة سعد زغلول 1924 (الذي افرج عن المسجونين السياسين)
ولكن لم تترك انجلترا مصر بعد هذا التصريح فقد بقيت بعض قواتها متمركزة عند قناه السويس ولم يرحل آخر جندى انجليزى عن ارض مصر إلا في عام 1956
............................
ومنذ عام 1923 اول دستور للبلاد وحتى ثورة 1952....واحزاب مصر فى تصارع دائم وفقدوا الوطنيه والثوره وروحها التى تحلو بها انشغلوا عن قضيتهم الاساسيه وهى طرد الاحتلال الانجليزى....والعثمانى المتمثل فى الاسره العلويه .....
وهذه كانت تسمى سياسه التورته....
.............................................................
سنه 2000 قامت الانتفاضه الفلسطينيه الثانيه او ما سميت بانتفاضه الاقصى واستمرت ثلاث سنوات قتال مستمر متعاون بين حركات فتح وحماس وجهاد
.......................
عرفت هذه الانتفاضة بستخدام السلاح ودامت حوالي 3 سنوات ، راح ضحيتها 4412 شهيدا فلسطينيا و48322 جريح. وأما خسائر الجيش الاسرائيلي قدر ب334 قتيل و من المستوطنين 728قتيل و ليصبح مجموع قتلى اليهود 1062 قتيل و 3000 جريح ودمر 10 دبابات من نوع ميركفانا . ومرت مناطق الضفه الغربية وقطاع غزه خلالها بعدّة اجتياحات إسرائيلية منها عملية الدرع الواقي وأمطار الصيف. كان سبب اندلاعها دخول رئيس الوزراء الإسرائيلي "السابق" أرئيل شارون إلى باحة المسجد الأقصى برفقة حراسه، الأمر الذي دفع جموع المصلين إلى التجمهر ومحاولة التصدي له، فكان من نتائجه اندلاع أول اعمال العنف في هذه الانتفاضة.
لم يعد الفلسطينيون يتحدثون عن عملية السلام واقتصر الحديث عن قرار 242 الذي يطالب بانسحاب الكيان الإسرائيلي عن الأراضي التي احتلتها في حرب 1967. ولوحظ لأول مرة ارتفاع حدة الخطاب الرسمي الفلسطيني والذي برز في تصريحات الرئيس الفلسطيني ياسر عرفات خصوصا في لحظات تأبين الشهداء فكان يدعو إلى مواصلة الكفاح وتحمل التضحيات لنيل الأهداف المشروعة للشعب الفلسطيني.
.................
فى محاولات من امريكا واسرائيل ودول اوروبا فى تنازل عرفات عن السلطه عام 2002 حتى تنازل عن بعض سلطاته لمحمود عباس ثم احمد قريع رؤساء وزرائه....وتوفى عام 2004 بعدها بدات سياسة التورته فى العمل حين هم الفلسطينييون فى تشكيل حكومه لهم... وظلوا فى هذا الصراع حتى عامنا هذا 2011 ولم نسمع منذ صراعهم عن مقتل جندى اسرائيل واحد بل ظللنا نسمع عن وفاه الفلسطينيين فقط من الجانبين... وهكذا نهجوا نهج ما بعد ثوره 19 فى مصر فى صراع السلطه وابتعدوا عن قضيتهم الرئيسيه وهى الحريه.......
..................................
هكذا عودتنا اسرائيل وامريكا ودول الاستعمار الاوروبى دائما عندما تقوم الشعوب فيجب تهدئتهم بتورته السلطه والصراع عليها ....
تلك التورته المزيفه التى طالما شغلونا بيها عن قضايانا الرئيسيه ومطالب الثورات الحقيقيه .... تلك التورته التى لطالما خربت شعوب العرب وادخلت بينهم الاحقاد وابعدتهم عن الاتحاد والتعاون ......
..................................
نحن الان فى عام 2011 عصر الانترنت والسرعه والانفتاح المعلومات والثقافات تتصاعد بين شعوب العرب وما زلنا نقع فى نفس السياسه القديمه الاستعماريه ......سياسه التورته....
قامت ثوره 25 يناير 2011 لنيل الحريه والكرامه والديمقراطيه وتقبل الاخر والعداله الاجتماعيه والنهوض بوطننا الحبيب.....
لكنها ستقع مثل غيرها من الثورات لاننا مازلنا نعشق التورته.....
المسلسل الذى لا ينتهى والذى برع به حكام العرب واتباعهم ....
ونسينا جميعنا اننا بشر وجميعنا نخطىء .... وان الديمقراطيه شىء لم نستطيع ممارسته عبر العصور بطريقه صحيحه .... وان الكثير منا لديه مفهوم خاطىء لتلك الديمقراطيه..... ونسينا ان الديمقراطيه هى سلاح ذو حدين فاما ان يجعلنا جميعا متحابون متفاهمون او يوقعنا جميعنا فى البغضاء اذا ما دخلت فيها سياسة التورته مرة اخرى .....
هذا ما يحدث الان من حولنا.....
محاولات التشكيك فى الجيش
محاولات التشكيك فى الثوره
محاولات التشكيك فى الاخوان والسلف
محاولات التشكيك فى المسيحيين
والتشكيك فى نوايا المسلمين
والتشكيك فى حب الوطن والتخوين
وانطلاق كل شخص لفرض رايه بطريقه واخرى
انشغلنا بالاستفتاء ونتيجه الاستفتاء
وانشغلنا فى الاحزاب وكيفيه الاحزاب
وانشغلنا فى قوانين وفى مظاهرات ليست يوما من الثوره ولن تكون منها
ومطالب فئويه لا وقت لها الان
بنشتم بعض بنخون بعض واصبح كل فريق ياتى بدلائله
حتى مخططات الاغتيالات التى تم الاعلان عنها فهى ايضا من شأنها تشتيت افكارنا
عودة فلول النظام الحاكم للمطالبه بعزده حسنى مبارك
ظاهرة البلطجيه التى لا تتعلق بالحزب وفقط بل تلك الظاهره موجوده من قديم الازل فى دمائنا الم تكن بالسلاح فهى باللسان
.........................
نسينا مصر ونسينا ان لا يوجد انسان لا يخطأ واستشهادا بقول رسولنا الحبيب «كل ابن آدم خطاء، وخير الخطَّائين التوّابون »
واستشهادا بقول عيسى عليه السلام (من كان منكم بلا خطيئة فليرمنى بحجر)
.........................
نسينا ان مصر نهضتها فى اجتهاد شعبها لا بالاحزاب ولا بالحكم بل بالعمل والتعاون وبان كل فرد يمكنه ان يكون رئيسا للجمهوريه بدون تنصيب او اعتلاء كرسى العرش... باتقانه عمله وبمنطق حب لاخيك ما تحبه لنفسك......
......................
اهداف الثوره اسقاط النظام....لا نزال نحتفظ بالنظام فى انفسنا بتسلطنا وتخويننا بعضنا البعض وسوء استخدامنا للديمقراطيه وتصارع الكل على الحكم بشتى الطرق....
اهداف الثوره حريه كيف الحريه وقد تخطينا شروطها وهى الا تعتدى على حريه الاخرين؟؟
اهداف الثوره عداله اجتماعيه وكيف هى ومازال الاغنياء من هذا الوطن الذين اغتنوا باموال شعب مصر حتى ولو كان بطريقه شريفه يستغلوا اوالهم فى عمل نظم اخرى تابعه لهم وارائهم... وخلق منابر اعلاميه خاصه بهم وبمن يتبنى رايهم... ما الفرق بينهم وبين احمد عز وغيره....
اهداف الثوره الخبز...او العيش يعنى ...والعمال والمزارعين والموظفين وجميع فئات الشعب مضربين عن العمل؟؟؟
...............................
اهداف الثورة لم تتحقق الا ظاهريا لاننا حولناها الى صراع بيننا وبين انفسنا ولم نحقق العداله ولا الحريه والمسواه او اتقان العمل فى انفسنا....
نطالب الجيش والحكومه بالاسراع فى العمل وسرعه التنفيذ بينما نحن نائمون وابطأ ما نكون ومنشغلون بتورته الحكم ونسينا اهدافنا الحقيقيه ونسينا مطالب الثوره واداب واخلاقيات المجتمعات الشرقيه .....
وكأن ثورتنا كانت لاهداف واهيه ......
الان اصبحت ثورتنا على انفسنا انقلبنا على مصر ثورتنا الان ستسقط مصر بدلا من اسقاط النظام الفاسد
انتبهوا ايها المصريين فنحن تمارس علينا سياسة استمرت من مئات السنين حتى يومنا هذا وما زلنا بعد العلم والتكنولوجيا نقع فى براثنها....
..................................
اتركوا الشائعات وحتى ان ثبت صدقها مادامت ستجعلنا نكره بعضنا البعض.....
وتحلو بروح التسامح والمحبه فيما بينكم ....فى يوجد شخص لا يخطىء.....
اعيدوا اهداف الثورة الى ارض الواقع....
اتركوا صراع السلطه والحكم ولا تتأثروا بسياسة التورته
اتحدوا من جديد وانسوا كلمات قد اثارتها النظم القديمة للاشعال فيما بيننا
انسوا كلمه اخوان وسلف ومسيحيين وليبراليين ..... واتركوا فكرة المؤامره والتخوين.... وسب بعضكم البعض
فما كل هذا الا كلمات واهيه.....تناسو القاء التهم على بعضكم البعض ...
ولتعلموا ان كلنا مصرييييييييييييييييييين
ولا تنسو ان الثورة حينما قامت لم نسمع تلك المسميات
وان الثورة التى ارعبت اسرائيل وامريكا وكل من يكره عروبتنا وقوتنا فى خطر الان
فاذا سمعت قال لك احد ان فلان قتلك او طعنك ا شتمك فتذكر انه يوما حماك من موت محقق ....
وثق فى اخيك انه يحبك وما فعل هذا الا لمصلحتك فاستفهم منه اولا ثم عاتبه و اقم العدل عليه عبر القضاء بمنتهى التهذيب والعدل ...
لا تنشغلوا بالقوانين وتتركوا اعلاء مصر لا تابهوا للدساتير فلطالما كانت موجوده وكنا معا يدا واحدتا بدون دستور
لا قوانين بيننا سوى الحب والتعاطف لان تلك القوانين زائله بزوال الحكام والدساتير
لكن قانون محبة الاخ لاخيه المصرى دائمتا دوم السنين
اللهم بلغت اللهم فأشهد
حكام العرب...
هذا ليس مقالا انما هو بيان لرثاء بلادنا العربية ....
حكمت بلادنا من مجموعه من الحكام الظلمة اذاقوها من الذل والهوان وطأطأة الرؤوس والانحناء لدول العالم الغربي ...
اصابوها بالضعف والهوان واعطوا اموالها لامريكا واسرائيل وسرقوا ما يمكنهم ان يسرقوه ...
اصابتهم السلطة بالجنون واصابتهم بالطمع ومرض الملك ...
حتى انهم اصبحوا لا يمانعون فى اعتلاء عروشهم على اشلاء وجثث شعوبهم لم يتركوا فرصه لفساد امورنا وقهرنا وقتلنا الا واغتنموها ...
اصابهم الكبر والغرور ومرض الانا وانهم لا يخطئون ابدا ...
فشعوبهم دائما على خطأ وهم دائما على حق .....
اقول لهم الم تروا دماء شهداء فلسطين وهى تثرى على اراضيهم من سلبيتكم وضعفكم .؟؟؟
الم تروا دماء العراقيين من ظلمكم وتحكم الاخر بكم؟؟
اين بلادكم الان من كل بلاد العالم اذا كنتم على حق ؟؟
اين هى اوطانكم من العالم اصبحنا افقر الدول واذلها واصبحنا نسمى دول العالم الثالث..؟؟
فكيف انكم على حق بعد ما اصبحنا وامسينا فيه من الفقر والضعف والجوع والتأخر..؟؟
تقتلون شعوبكم عندما يطالبون بالحرية تعرضوها لمخاطر الاحتلال
واما انتم واما فلا احد غيركم ....
لا عجب انكم لم تتحركوا يوما لنصرة فلسطين او العراق فمشاهد الدماء والقتل شىء يتأصل فى قلوبكم
وتفعلونه بلا تردد مع شعوبكم مكثتم فى السلطة لانصاف قرون ومع هذا لا تشبعون منها ..؟؟
تسمون ما تفعلون دينا وعقلا وحكمتا ؟؟
والله انكم لا تنتمون الى الاسلام ابدا ابدا
ولم تكونوا تنتمون اليه فانتم مجموعه من القتلة السفاحين الذين ابتلانا الله بكم
ربما ابتلانا بكم من صمتنا او ضعفنا او قله ايماننا وعصياننا
لكنكم لستم حكاما بل انتم ابتلاء ....
سيكتب التاريخ عنكم فى جميع الدول العربية انكم لم تكونوا ابدا عرب ولن تكونوا عرب ...
فليكن الله فى عوننا وعون شعوب العرب
وليزح الله تلك الغمه عنا جميعا ويعوضنا خيرا منكم
ليست هناك تعليقات:
إرسال تعليق