فكرة جميلة (((#خلينا_نصنعها

من فترة انتشر هاشتاج وجروب #خليها_تصدى ودى حملة لمقاطعة شراء السيارات الجديدة لتخفيض اسعارها الهاشتاج اثر فى سعر الدولار بطريقة غير مباشرة ايوة هو سبب انخفاض الدولار بطريقة غير مباشرة واستقرار سعره اقولك ازاى لما الطلب قل على شراء السيارات قل الطلب على الدولار فقل سعره وده ينور عندنا فكرة تانى خالص وده معناه ان سعر الدولار نقدر نتحكم فيه داخليا بما ان سعر الجنيه حر او متعوم احنا اللى فى ايدنا نزود قيمة الدولار مقابل الجنيه او ننقصه وبالتالى دخلنا يزيد مع ارتفاع قيمة عملتنا (القوة الشرائية للجنيه) طيب وده يحصل ازاى ؟ ده بقى مش هيحصل الا لما الصناعة بتاعتنا تكفى السوق المحلى فالطلب ع الدولار يقل جدا وعملتنا ترتفع تلقائيا هتقولى محنا معندناش صناعة هقولك حلو احنا نبتدى بالرفايع واللى هى ممكن نقدر نصنعها بنفسنا بدال ما نستوردها من الصين او من الدول التانية وبدال ما نشترى الابرة نشترى المكنة الى بتعمل الابرة او نصنع المكنة هنا ونعمل هاشتاج #خلينا_نصنعها ونطرح فيه افكار للتصنيع فى مصر او نعرض عليه منتجات مصرية فعلا بتتصنع ومحدش عارف بيها وندعمها ونشتريها وحتى لو كانت انهاردة جودتها سيئة مع دعمنا ليها وشرائها هتتطور وجودتها هتزيد ومقولناش نصنع طيارات ولا اقمار صناعية قولت رفايع واللى عنده بنت بيجوزها هيعرف ان الرفايع الصغيرة فى جهازها هى اللى بتستهلك فلوس اكتر و ابتدينا بـ #تصنيع_الرفايع بس هنوفر فرص عمل وعدد كبير من الشباب والبنات هيتحول من عاطل لرجل اعمال وبالتالى الدولار ينزل واللى عايز يشترى اجهزة كهربائية علشان يتجوز هيقدر يشتريها واللى عايز يركب عربية هيقدر يشتريها ياريت ندعم هاشتاج #خلينا_نصنعها بأفكار وطرق ومنتجات واحنا كمصريين ناس بتحب لقمة عيشا واثق اننا نقدر نغير الواقع الناس اللى مش عارفة تساعد ازاى ياريت كوبى بيست للبوست ده على صفحاتكم